Málefnastarf

Málefnastarf Viðskiptaráðs miðar að því að bæta rekstrarumhverfi íslensks viðskiptalífs og styrkja þannig forsendur fyrir aukinni verðmætasköpun og bættum lífskjörum. Starfið samanstendur af útgáfu, viðburðum og umsögnum um lagafrumvörp.

Sía eftir viðfangsefni

05.04.2018 | Staðreyndir

Stuðningsstuðullinn hækkar í fyrsta sinn í átta ár

Stuðningsstuðull atvinnulífsins var 1,20 árið 2017 og hækkaði lítillega í fyrsta sinn í átta ár. Stuðullinn sýnir hversu margir eru með einum eða öðrum hætti studdir af þeim sem starfa í einkageiranum.

21.03.2018 | Fréttir

Ný Skoðun ráðsins um markaðsbresti í menntun

Viðskiptaráð hefur gefið út Skoðun um markaðsbresti í menntun á Íslandi.

21.03.2018 | Skoðanir

Markaðsbrestur í menntun: Hvað er til ráða?

Undanfarin ár og áratugi hefur háskólamenntuðum fjölgað mjög hratt hér á landi en frá aldamótum hefur fjöldi háskólamenntaðra aukist um 184% eða nærri þrefaldast. Nú er svo komið að hópurinn stefnir í að verða sá fjölmennasti á vinnumarkaði innan fárra ára og slá þannig við grunnmenntuðum og starfs- og framhaldsmenntuðum.

23.02.2018 | Skoðanir

Fjármagnstekjuskattur er meira íþyngjandi en þú hélst

Fjármagnstekjuskattur er meira íþyngjandi en virðist í fyrstu. Helsta ástæða þess er að skatturinn leggst afar þungt á ávöxtun eftir að tekið hefur verið tillit til verðbólgu og hefur því sögulega verið hærri hér en á hinum Norðurlöndunum. Endurskoða þarf skattinn sem fyrst og hækkun hans um síðustu áramót var ótímabær.

20.09.2017 | Skoðanir

Samkeppni í breyttri heimsmynd

Viðskiptaráð telur að í ljósi breytts umhverfis viðskipta og verslunar, m.a. vegna tækniþróunar, aukinnar netverslunar og innkomu erlendra aðila, sé nauðsynlegt að samkeppnisyfirvöld hér á landi aðlagi nálgun sína á það hvernig markaðir eru skilgreindir.

12.06.2017 | Fréttir

Sköpum aðstæður fyrir öfluga þekkingarkjarna

Kristrún vakti athygli á þremur mikilvægum þáttum til að byggja upp öflugt samfélag. Í fyrsta lagi þarf að vera til staðar öflugur mannauður. Hægt er að fara tvær leiðir í þeim efnum, annað hvort að byggja upp mannauðinn eða laða hann til sín. Í öðru lagi þarf að skapa fyrirtækjum stöðugt rekstrarumhverfi.

31.05.2017 | Fréttir

Ísland í 20. sæti í samkeppnishæfni

Niðurstaða úttektar IMD viðskiptaháskólans á samkeppnishæfni þjóða var kynnt á fundi í Hörpu í dag. Þema fundarins í ár var menntun og samkeppnishæfni mannauðs. Ísland hækkar um þrjú sæti á listanum milli ára og situr nú í 20. sæti. Ísland stendur vel að vígi hvað samfélagslega innviði varðar en efnahagsleg frammistaða er lakari. Við stöndum enn langt að baki nágranna okkar í Skandinavíu, í samkeppnishæfni.

26.05.2017 | Fréttir

Samkeppnishæfni Íslands 2017

Viðskiptaráð Íslands og Íslandsbanki bjóða á morgunverðarfund í Hörpu þar sem niðurstöður viðskiptaháskólans IMD á samkeppnishæfni Íslands fyrir árið 2017 verða kynntar.

08.03.2017 | Staðreyndir

Stuðningsstuðullinn lækkar um 6% á milli ára

Stuðningsstuðull atvinnulífsins var 1,17 árið 2016 sem er 6% lækkun á milli ára. Stuðullinn er skilgreindur sem hlutfallið á milli starfsfólks í einkageira og öðrum íbúum landsins. Hann segir því til um hversu margir einstaklingar eru studdir með skattheimtu eða millifærslum fyrir hvern vinnandi einstakling í einkageiranum.

20.02.2017 | Skoðanir

Hvernig má bregðast við styrkingu krónunnar?

Styrking krónunnar hefur breytt aðstæðum í íslensku efnahagslífi. Kaupmáttur hefur aukist en staða útflutningsfyrirtækja veikst. Hætta á ofrisi og falli krónunnar hefur nú myndast. Stjórnvöld ættu að bregðast við til að tryggja varanleika þess lífskjarabata sem sterkari gjaldmiðill hefur skilað.