Málefnastarf

Málefnastarf Viðskiptaráðs miðar að því að bæta rekstrarumhverfi íslensks viðskiptalífs og styrkja þannig forsendur fyrir aukinni verðmætasköpun og bættum lífskjörum. Starfið samanstendur af útgáfu, viðburðum og umsögnum um lagafrumvörp.

Sía eftir viðfangsefni

22.03.2017 | Umsagnir

Einföldun regluverks fagnaðarefni

Viðskiptaráð hefur skilað inn umsögn til efnahags- og viðskiptanefndar Alþingis vegna frumvarps sem miðar að því að einfalda regluverk atvinnulífsins. Breytingarnar einfalda lagaum­hverfi vegna stofnunar, skráningar og starfrækslu fyrirtækja. Einnig eru lagðar til breytingar sem er ætlað að sporna við misnotkun á félagaforminu. Viðskiptaráð tekur í meginatriðum undir markmið frumvarpsins.

20.03.2017 | Umsagnir

Forvarnir ákjósanlegri en frelsisskerðing

Viðskiptaráð hefur skilað umsögn vegna breytinga á lögum um verslun með áfengi og tóbak. Með tillögunni er lagt til að einkaleyfi ÁTVR á smásölu áfengis verði aflagt og smásala áfengis verði að ákveðnu marki frjáls. Jafnframt er lagt til að heimilt verði að auglýsa áfengi með nánar tilgreindum takmörkunum. Viðskiptaráð leggur til að frumvarpið nái fram að ganga.

23.01.2017 | Fréttir

Dagskrá Viðskiptaþings 2017

Dagskrá Viðskiptaþings 2017 lítur nú dagsins ljós en efnistök lúta að auðlindageiranum sem er undirstaða verðmætasköpunar í hagkerfinu. Á Viðskiptaþingi 2017 verður fjallað um sjálfbæra nýtingu þessara auðlinda og tækifærin sem greinarnar standa frammi fyrir vegna umsvifamikilla breytinga á alþjóðavísu.

10.11.2016 | Fréttir

Vilji er ekki allt sem þarf

Forsætisráðuneytið gerði úttekt á áhrifum lagabreytinga síðasta kjörtímabils á regluverk atvinnulífsins. Þar kemur fram að regluverk var ekki einfaldað á kjörtímabilinu, EES-reglur voru innleiddar með meira íþyngjandi hætti en þörf var á og ráðuneytin framfylgdu ekki því hlutverki sínu að meta áhrif íþyngjandi ákvæða á atvinnulífið. Í nýrri tilkynningu hvetur Viðskiptaráð stjórnvöld til að koma í veg fyrir að þessi þróun haldi áfram.

08.11.2016 | Skoðanir

Hvernig stóð ríkisstjórnin sig í efnahagsmálum?

Viðskiptaráð hefur gert úttekt á efnahagslegum áhrifum allra lagabreytinga fráfarandi ríkisstjórnar. Markmiðið er að varpa fram heildstæðri mynd af áhrifum stjórnvalda á rekstrarumhverfi íslenskra fyrirtækja á kjörtímabilinu 2013–2016.

18.10.2016 | Fréttir

Bein útsending frá stjórnmálaumræðum í Hörpu kl. 15

Bein útsending verður kl. 15.00 frá fundi Viðskiptaráðs og Samtaka atvinnulífsins um atvinnulífið og stefnu stjórnmálaflokkanna fyrir Alþingiskosningarnar 2016. Horfa má á útsendinguna á Vísi, Mbl og VB.

05.09.2016 | Umsagnir

Einföldun regluverks atvinnulífsins fagnaðarefni

Viðskiptaráð hefur skilað inn umsögn til efnahags- og viðskiptanefndar Alþingis vegna frumvarps sem miðar að því að einfalda regluverk atvinnulífsins. Breytingarnar einfalda lagaum­hverfi vegna stofnunar, skráningar og starfrækslu fyrirtækja. Einnig eru lagðar til breytingar sem er ætlað að sporna við kennitöluflakki. Viðskiptaráð fagnar því að til standi að einfalda regluverk atvinnulífsins og vonast til að stjórnvöld haldi áfram á sömu braut.

09.06.2016 | Umsagnir

Aukinni samkeppni ekki að fullu náð í nýjum lyfjalögum

Viðskiptaráð hefur skilað inn umsögn vegna frumvarps til nýrra lyfjalaga sem felur í sér heildarendurskoðun á núgildandi lyfjalögum. Ráðið telur ýmsar breytingar frumvarpsins til bóta en gerir athugasemdir við að ekki sé gengið nógu langt í því að leyfa sölu tiltekinna lausasölulyfja í almennri verslun þar sem slíkt leyfi er takmarkað við að á svæðinu sé ekki starfrækt lyfjabúð eða lyfjaútibú. Jafnframt gerir ráðið athugasemd við að eftirlitsgjald endurspegli ekki raunverulegt eftirlit heldur sé óháð því hvort eftirlitið fari fram eða ekki.

31.05.2016 | Fréttir

Höfuðborgin gegnir lykilhlutverki í samkeppnishæfni Íslands

Niðurstöður úttektar IMD viðskiptaháskólans á samkeppnishæfni Íslands árið 2016 voru kynntar í dag á fundi VÍB og Viðskiptaráðs. Ísland hækkar um eitt sæti á listanum milli ára og situr nú í 23. sæti og vegur bætt efnahagsleg frammistaða þyngst í hækkuninni.

27.05.2016 | Umsagnir

Brýnt að halda inni ákvæði um samkeppnismat

Viðskiptaráð hefur skilað inn umsögn til fjárlaganefndar Alþingis vegna frumvarps til laga um opinber innkaup. Margar af þeim breytingum sem lagðar eru til með frumvarpinu eru jákvæðar og til þess fallnar að stuðla að aukinni hagkvæmni í opinberum innkaupum. Ráðið gerir hins vegar alvarlegar athugasemdir við afnám samkeppnismats við framkvæmd útboða í gegnum miðlægar innkaupastofnanir í öðrum ríkjum.