Viðskiptaráð ÍslandsOpnunartími skrifstofu 9. og 10. febrúar
Fimmtudaginn 9. febrúar fer fram árlegt Viðskiptaþing á Hilton Reykjavík Nordica kl. 13.00-17.00 og af þeim sökum verður skrifstofa Viðskiptaráðs opin frá kl. 9.00 til 12.00. Skrifstofa ráðsins opnar kl. 10.00 föstudaginn 10. febrúar.
Yfirskrift þingsins er „Börn náttúrunnar: framtíð auðlindagreina á Íslandi.“ Dagskráin er afar glæsileg og koma þátttakendur úr ýmsum áttum. Efnistök þingsins lúta að auðlindageiranum sem er undirstaða verðmætasköpunar í hagkerfinu. Auðlindagreinar Íslands samanstanda af orkunýtingu, sjávarútvegi og ferðaþjónustu. Þær mynda undirstöðu góðra lífsskilyrða á Íslandi og eru jafnframt uppspretta nýrra hugmynda og verðmæta. Á Viðskiptaþingi 2017 verður fjallað um sjálfbæra nýtingu þessara auðlinda og tækifærin sem greinarnar standa frammi fyrir vegna umsvifamikilla breytinga á alþjóðavísu.
Mikil aðsókn er á Viðskiptaþing og er nú þegar orðið uppselt. Tekið er við skráningum á biðlista og ef afskráning á sér stað fær efsti aðili á biðlista úthlutuðu sæti á þinginu.