Fréttir

Sía eftir viðfangsefni

01.11.2016 | Fréttir

Upptaka af kosningafundi VÍ og SA

Upptaka af 90 mínútna kosningafundi Viðskiptaráðs Íslands og Samtaka atvinnulífsins með leiðtogum stjórnmálaflokkanna er nú aðgengileg á YouTube rás Viðskiptaráðs Íslands. Fulltrúar stjórmálaflokka sem sæti áttu á Alþingi eða mældust með yfir 5% fylgi í skoðanakönnunum tóku þátt.

18.10.2016 | Fréttir

Bein útsending frá stjórnmálaumræðum í Hörpu kl. 15

Bein útsending verður kl. 15.00 frá fundi Viðskiptaráðs og Samtaka atvinnulífsins um atvinnulífið og stefnu stjórnmálaflokkanna fyrir Alþingiskosningarnar 2016. Horfa má á útsendinguna á Vísi, Mbl og VB.

04.10.2016 | Fréttir

Stjórnmálaleiðtogar ræddu skattkerfisumbætur

Fimmtudaginn 30. september sl. fór fram fundur Viðskiptaráðs og Félags viðskipta- og hagfræðinga þar sem nýlegar tillögur verkefnisstjórnar um breytingar og umbætur á skattkerfinu voru ræddar. Daði Már Kristófersson, formaður verkefnisstjórnarinnar, kynnti tillögur hennar og að því loknu fóru fram umræður með leiðtogum helstu stjórnmálaflokka.

22.09.2016 | Fréttir

Morgunverðarfundur um skattkerfið - Vel smurð vél eða víraflækja?

Þann 29. september stendur Viðskiptaráð og félag viðskipta- og hagfræðinga (FVH) fyrir morgunverðarfundi kl. 8.30-10.00 á Grand hótel Reykjavík um íslenska skattkerfið í samstarfi. Kynntar verða nýjar tillögur verkefnisstjórnar um breytingar og umbætur á skattkerfinu og fulltrúar helstu stjórnmálaflokka segja frá afstöðu sinni til mögulegra breytinga.

08.09.2016 | Fréttir

Tímabær umræða um skattkerfið

Viðskiptaráð fagnar því frumkvæði sem nýjar tillögur verkefnisstjórnar Samráðsvettvangsins um breytingar og umbætur á skattkerfinu fela í sér. Endurskoðun á skattkerfinu sem miðar að aukinni skilvirkni og einfaldleika er löngu tímabært skref. Þrátt fyrir að skiptar skoðanir muni ríkja á meðal hagsmunaaðila um einstakar tillögur er það von ráðsins að þær stuðli að málefnalegri og efnisríkri umræðu um leiðir til að auka hagkvæmni skattheimtu hérlendis.

31.05.2016 | Fréttir

Höfuðborgin gegnir lykilhlutverki í samkeppnishæfni Íslands

Niðurstöður úttektar IMD viðskiptaháskólans á samkeppnishæfni Íslands árið 2016 voru kynntar í dag á fundi VÍB og Viðskiptaráðs. Ísland hækkar um eitt sæti á listanum milli ára og situr nú í 23. sæti og vegur bætt efnahagsleg frammistaða þyngst í hækkuninni.

14.04.2016 | Fréttir

Útsvarshlutföll tveggja sveitarfélaga leiðrétt

Á þriðjudag opnaði Viðskiptaráð nýjan örvef þar sem notendum gefst kostur á að bera saman kostnaðinn við að búa í ólíkum sveitarfélögum. Á vefnum eru settar inn upplýsingar um forsendur út frá búsetu, fjölskyldusamsetningu, launatekjum og stærð húsnæðis.

12.04.2016 | Fréttir

Hvar er best að búa?

Viðskiptaráð hefur opnað nýjan örvef þar sem bera má saman kostnaðinn við að búa í ólíkum sveitarfélögum. Á vefnum má sjá yfirlit yfir skatta, gjöld og skuldir allra sveitarfélaga. Með opnun vefsins vill Viðskiptaráð auka gagnsæi um skattheimtu, gjöld og skuldsetningu á sveitastjórnarstigi.

07.04.2016 | Fréttir

Dregið úr opinberri samkeppni við innlenda smásala

Viðskiptaráð fagnar áformum fjármála- og efnahagsráðherra um að girða fyrir pöntunarþjónustu Fríhafnarinnar ehf. Samkvæmt nýju frumvarpi verður fyrirtækinu óheimilt að taka á móti pöntunum frá öðrum en þeim sem eru staddir í komuversluninni. Ráðið telur opinbera komuverslun vera tímaskekkju og leggur til að Fríhöfnin ehf. verði lögð niður.

11.03.2016 | Fréttir

Upptaka frá fundi um húsnæðismarkaðinn

Upptaka frá fræðslufundi VÍB um húsnæðismarkaðinn er nú aðgengileg á vefnum. Á fundinum flutti Björn Brynjúlfur Björnsson, hagfræðingur Viðskiptaráðs, erindi um þróun íbúðaverðs á höfuðborgarsvæðinu og aðkomu stjórnvalda að fasteignamarkaðnum hérlendis. Að erindinu loknu fóru fram umræður í pallborði. Þátttakendur voru Henný Hinz, deildarstjóri hagdeildar ASÍ og Hjálmar Sveinsson, borgarfulltrúi og formaður umhverfis- og skipulagsráðs Reykjavíkur.