02.03.2015 | Umsagnir

Auglýsingar lausasölulyfja

Viðskiptaráð hefur skilað inn umsögn til velferðarnefndar Alþingis vegna frumvarps til laga um breytingu á lyfjalögum. Ráðið fagnar því að til standi að afnema bann við auglýsingum á lausasölulyfjum í sjónvarpi.

Í umsögninni kemur m.a. eftirfarandi fram:

  • Aflétting banns myndi bæta samkeppnisumhverfi á lyfjamarkaði og einnig hafa jákvæð áhrif á íslenskt heilbrigðiskerfi. Einstaklingar gætu frekar áttað sig á því hvaða úrræði standa þeim til boða vegna ýmissa heilsufarslegra kvilla. 
  • Viðskiptaráð styður markmið um að draga úr kröfum um upplýsingar í auglýsingum lausasölulyfja og telur ekki réttlætanlegt að kvaðir um upplýsingar í lyfjaauglýsingum séu meira íþyngjandi hér á landi en í nágrannaríkjunum.
  • Gera ætti minni kröfur um upplýsingar í auglýsingum lausasölulyfja þegar um er að ræða sjónvarps- og útvarpsauglýsingar.
  • Viðskiptaráð tekur undir nauðsyn þess að neytendum sé bent á að kynna sér upplýsingar um rétta notkun lyfja í auglýsingum. Tilvísun í lyfseðil er þó, að mati ráðsins, í flestum tilfellum nægjanleg og raunar er margt sem mælir gegn því að of ítarlegar upplýsingar séu birtar í auglýsingum.

Umsögnina má í heild sinni nálgast hér (PDF)

Viðfangsefni: Samkeppnishæfni