Stytting vinnuviku skref í átt til miðstýringar

Viðskiptaráð hefur skilað inn umsögn til velferðarnefndar um frumvarp til laga um styttingu á vinnuviku. Viðskiptaráð leggst gegn samþykkt frumvarpsins.

Umsögnina má í heild sinni nálgast hér

Í umsögninni kemur eftirfarandi fram:

  • Fjöldi vinnustunda er mikilvægur þáttur af samningum launþega við atvinnurekendur. Inngrip löggjafans myndi raska núverandi jafnvægi á vinnumarkaði með ófyrirsjáanlegum afleiðingum og skapa hættulegt fordæmi í formi aukinnar miðstýringar af hálfu hins opinbera í stað frjálsra samninga um kaup og kjör.
  • Frumvarpshöfundar falla í gryfju fylgnivillu. Þótt framleiðni sé að jafnaði hærri í löndum þar sem vinnutími er minni leiðir það ekki til þeirrar ályktunar að minni vinnutími auki framleiðni.
  • Að mati Viðskiptaráðs eru aðrir þættir en vinnutími ráðandi þegar kemur að framleiðni hérlendis. Þar skiptir mestu máli að stjórnvöld beiti sér fyrir hagfelldari umgjörð atvinnurekstrar, til dæmis með auknum efnahagslegum stöðugleika, hagkvæmari stofnanaumgjörð, einföldun regluverks og afnámi viðskiptahindrana. 

Tengt efni

Eignarhald íslenska ríkisins á skjön við önnur vestræn ríki 

„Að mati Viðskiptaráðs á hið opinbera ekki að stunda atvinnurekstur sem aðrir ...
12. mar 2024

Dauða­færi ríkis­stjórnarinnar til að lækka vaxta­stig

Viðureignin við verðbólguna er nú eitt brýnasta verkefnið á vettvangi ...
7. jún 2023

Erfið samkeppnisstaða einkarekinna fjölmiðla

Umsögn um tillögu til þingsályktunar um ráðstöfun útvarpsgjalds (mál nr. 129)
15. mar 2023