Í kjölfar mikilla fasteignaverðshækkana undanfarið hefur fasteignamat húsnæðis hækkað um nánast allt land. Á sama tíma hafa álagningarprósentur fasteignagjalda að mestu leyti staðið í stað. Fasteignagjöld heimila og fyrirtækja hafa þess vegna hækkað mikið undanfarin þrjú ár. Sem dæmi má nefna að hækkunin á þriggja ára tímabili nemur 42% í Reykjavík og 37% í Kópavogi.
Sökum þessa hefur Viðskiptaráð uppfært reiknivélina „Hvar er best að búa“ sem fyrst var kynnt til leiks árið 2015. Reiknivélin tekur nú tillit til nýjustu talna um álagningarprósentur og skólagjöld sérhvers sveitarfélags á landinu. Fasteignagjöld miðast við nýjasta fasteignamatið, sem tekur gildi áramótin 2017/2018.
Nálgast má reiknivélina og umfjöllun um þróun fasteignaverðs hér.