Viðskiptaráð hefur staðið fyrir útgáfu skýrslu á ensku um stöðu og þróun efnahags- og stjórnmála hérlendis frá haustinu 2008. Miklar breytingar hafa átt sér stað á þeim tíma, en vegna skorts á upplýsingagjöf til erlendra aðila skortir oft heildaryfirsýn yfir þessar breytingar og stöðu mála.
Nýjasta útgáfa skýrslunnar, The Icelandic Economic Situation, var gefin út í apríl síðastliðinn. Viðbrögð við skýrslunni hafa verið mikil, jafnt frá innlendum sem erlendum aðilum, sem notað hafa skýrsluna til kynningar fyrir þá sem ekki þekkja til aðstæðna í íslensku efnahagslífi.
Viðskiptaráð hefur nú gefið út glærur þar sem stiklað er á stóru um efni skýrslunnar. Er ætlunin með þeim að auðvelda enn frekar kynningu á íslensku efnahagslífi. Glærurnar má nú nálgast á þessari slóð.
Til að fá tilkynningu um uppfærðar útgáfur af skýrslunni er hægt að skrá sig á póstlista hér