11.08.2017 | Útgáfa

Ný útgáfa hagskýrslunnar „The Icelandic Economy 2017"

Ný útgáfa skýrslunnar „The Icelandic Economy: Current State, Recent Developments and Future Outlook“ hefur nú verið gefin út. Í henni er fjallað um stöðu efnahagsmála á Íslandi í dag, nýlega atburði í stjórnmálum, viðskiptum og efnahagslífi og langtímahorfur í hagkerfinu.

Skýrsluna má nálgast hér.

Í skýrslunni er m.a. fjallað um eftirfarandi atriði

  • Samkeppnishæfni Íslands á alþjóðavísu og þróun landsframleiðslu í alþjóðlegu samhengi
  • Umræður er varða peningamál, þróun verðbólgu og gengisbreytingar
  • Utanríkisviðskipti og erlendar skuldir
  • Áherslur nýrrar ríkisstjórnar í utanríkis- og skattamálum
  • Fjármagnshöftin, aflétting þeirra og áhrif á hagkerfið
  • Stór fjárfestingarverkefni í ferðaþjónustu, kísiliðnaði og fleiri greinum
  • Fjármálakerfið, aðgengi að fjármagni og þróun á eignamörkuðum
  • Framtíðarhorfur á íslenskum markaði, vaxtarmöguleikar sem og helstu áskoranir komandi ára
  • Stöðu íslensks hagkerfis, m.a. þróun á vinnumarkaði og skuldir hins opinbera og einkaaðila

Íslenskt efnahagslíf hefur gengið í gegnum umtalsverðar breytingar á síðustu árum. Á sama tíma hefur upplýsingagjöf til erlendra aðila um stöðu efnahagsmála á Íslandi verið af skornum skammti. Frá haustinu 2008 hefur Viðskiptaráð því reglulega gefið út skýrslu á ensku um stöðu efnahagsmála hérlendis. Skýrslan er send til um 2.200 erlendra tengiliða í fyrirtækjum, alþjóðastofnunum, systursamtökum Viðskiptaráðs og stjórnkerfum annarrra ríkja víðs vegar um heim.

Skýrsluna má nálgast hér.

Glærukynning er einnig gefin út samhliða skýrslunni en í henni má finna myndir úr skýrslunni á aðgengilegu formi fyrir kynningar á íslensku efnahagslífi.

Glærurnar má nálgast hér.

Panta má prentuð eintök með því að hafa samband við Védísi á netfangið vedis@vi.is.

Ath. Viðskiptaráð býður upp á kynningar á skýrslunni til áhugasamra. Hafa má samband við hagfræðing ráðsins, Kristrúnu Frostadóttur á kristrun@vi.is fyrir nánari upplýsingar.