Opinn viðburður | Viðskiptaráð Íslands

Opinn fyrirlestur með Dominic Barton, forstjóra McKinsey & Co.

Fyrirlestur Dominic Barton þann 21. september er einstakt tækifæri fyrir nemendur og aðra hér á landi til þess að hlusta á einn fremsta leiðtoga heims á sínu sviði og um leið skyggnast inn í þarfir framtíðarinnar.

Verkkeppni VÍ: Hvernig verður Ísland tæknivæddasta þjóð í heimi?

Í tilefni af 100 ára afmæli Viðskiptaráðs Íslands stendur ráðið fyrir verkkeppni (e. case competition) í fyrsta sinn. Verkkeppnin gengur þannig fyrir sig að 4-5 manna lið hafa eina helgi til þess að móta og kynna hugmynd við spurningunni “Hvernig verður Ísland tæknivæddasta þjóð í heimi árið 2030?”. Í upphafi keppninnar hlusta liðin á fyrirlestra þar sem verkefni keppninnar eru útskýrð frekar. Þá er liðunum til halds og trausts fjölbreyttur hópur leiðbeinenda úr atvinnulífinu.

Morgunverðarfundur: Inngrip stjórnvalda á mörkuðum

Viðskiptaráð Íslands og Samtök atvinnulífsins standa að morgunverðarfundi um inngrip stjórnvalda á mörkuðum á Grand Hótel Reykjavík þriðjudaginn 26. apríl kl. 8.30-10.00. Meðal þess sem fjallað verður um á fundinum eru heimildir Samkeppniseftirlitsins til íhlutunar á mörkuðum, markaðsrannsóknir eftirlitsins og skýrsla um eldsneytismarkaðinn.

Réttarstaða fyrirtækja við rannsókn mála

Viðskiptaráð og Samtök atvinnulífsins standa saman að morgunverðarfundi um réttarstöðu fyrirtækja við rannsókn mála. Fundurinn fer fram fimmtudaginn 17. desember kl. 8.30-10.00 á Grand Hóteli Reykjavík. Athugið að frítt er inn á fundinn en nauðsynlegt er að tilkynna mætingu hér að neðan.

Úthlutun styrkja úr Rannsóknasjóði

Fyrsta úthlutun úr Rannsóknasjóði Viðskiptaráðs Íslands fer fram föstudaginn 18. september. Tilkynnt verður um styrkþega og munu þeir gera stutta grein fyrir verkefnum sínum.