21.9.2017 | Viðburðir

100 ára afmæli Viðskiptaráðs Íslands


Við hlökkum til að sjá þig!

Setja afmælishátíð 21. september í dagatalið mitt

---

Þann 17. september nk. hefur Viðskiptaráð starfað í heila öld.

Hátíðarrit um sögu Viðskiptaráðs ásamt gestaskrifum um framtíðarhorfur viðskipta á Íslandi lítur dagsins ljós í september. Heimildarmynd um Viðskiptaráð verður jafnframt sýnd á RÚV um svipað leyti.

Í tilefni afmælisins stendur ráðið einnig fyrir verkkeppni (e. case competition) í fyrsta sinn. Verkkeppnin mun samanstanda af 4-5 manna liðum sem hafa eina helgi (15. - 17. september) til þess að móta og kynna svarhugmynd við spurningunni „Hvernig verður Ísland tæknivæddasta þjóð í heimi árið 2030?”.

Er verkkeppnin haldin í samstarfi við HR og HÍ en umsóknir eru opnar öllum skólum, deildum og námsfögum. Sigurvegarar verkkeppninnar verða svo tilkynntir á opnum viðburði Viðskiptaráðs í Háskólabíói þann 21. september nk., þar sem Dominic Barton, meðeigandi hjá McKinsey & Company á heimsvísu, flytur fyrirlestur.

Að öllu þessu loknu þarf að taka fram ballskóna og hylla síðustu 100 ár ráðsins í góðum félagsskap. Afmælishátíðin sjálf fer fram þann 21. september í Silfurbergi Hörpu og er miðasala hafin á viðburðinn. Smellið endilega á hnappinn hér að neðan til þess að tryggja ykkur miða.

Kaupa miða á afmælishátíð í Hörpu

Hvenær: 21. september 2017 kl. 18.00

Hvar: Silfurberg Hörpu


Viðfangsefni: Viðburðir