9.2.2017 | Viðburðir

Viðskiptaþing 2017 (uppselt)

Viðskiptaþing 2017 verður haldið þann 9. febrúar næstkomandi frá kl. 13.00-17.00 á Hilton Reykjavik Nordica. Yfirskrift þingsins er „Börn náttúrunnar: framtíð auðlindagreina á Íslandi“.

Mikil aðsókn er á Viðskiptaþing og er nú orðið uppselt þegar tvær vikur eru í viðburðinn. Tekið er við skráningum á biðlista og við afskráningu fær efsti aðili á biðlista úthlutað sæti á þinginu.

Náttúruauðlindir Íslands eru undirstaða verðmætasköpunar í hagkerfinu og byggja í dag á sjávarútvegi, orkunýtingu og ferðaþjónustu. Þennan hluta hagkerfisins skilgreindi McKinsey skýrslan sem auðlindageirann. Auðlindageirinn er jafnframt uppspretta nýsköpunar og hugvitsdrifins útflutnings. Sjálfbær nýting náttúruauðlinda er ein forsenda þess að hagvöxtur sé ekki tekinn að láni. Takmarkað eðli náttúruauðlinda setur vexti þessara atvinnugreina skorður en með tækniframförum og nýrri þekkingu koma ótal tækifæri og drifkraftar aukinnar framleiðni. Á Viðskiptaþingi 2017 verður fjallað um framtíð auðlindagreina á Íslandi, sjálfbæra nýtingu auðlinda og tækniframfarir þeim til stuðnings.

__________


Wal van Lierop er aðalræðumaður Viðskiptaþings 2017.

Wal er framtaksfjárfestir (e. venture capitalist) sem leggur sérstaka áherslu á auðlindageirann. Hann býr yfir fjölbreyttri alþjóðlegri reynslu sem forstjóri, ráðgjafi og fræðimaður. Wal er einn stofnenda Chrysalix sem er kanadískur nýsköpunarsjóður á sviðum nýrra sjálfbærra tæknilausna og auðlindanýtingar.

Nánar um starfsferil og reynslu Wal má lesa hér


_________

Dagskrá

RÆÐA FORMANNS VIÐSKIPTARÁÐS
Katrín Olga Jóhannesdóttir, stjórnarformaður JÁ hf.

THE ICELAND OPPORTUNITY
Wal van Lierop, forstjóri Chrysalix

KAFFIHLÉ

RÆÐA FORSÆTISRÁÐHERRA
Bjarni Benediktsson, forsætisráðherra

FRAMTÍÐ AUÐLINDAGREINA Á ÍSLANDI: ÖRMYNDBÖND OG ERINDI
Helgi Anton Eiríksson, forstjóri Iceland Seafood
Dagný Pétursdóttir, framkvæmdastjóri Bláa lónsins
Gísli Hauksson, forstjóri GAMMA

PALLBORÐSUMRÆÐUR
Björt Ólafsdóttir, umhverfis- og auðlindaráðherra
Þorgerður Katrín Gunnarsdóttir, sjávarútvegs- og landbúnaðarráðherra
Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra

MÓTTAKA
Ljúfir tónar og léttar veitingar

FUNDARSTJÓRI: Frosti Ólafsson, framkvæmdastjóri Viðskiptaráðs

#viðskiptaþing

Verð
Aðildarfélagar (ef 3 eða fleiri gestir)   13.900 kr.
Aðildarfélagar (ef 1-2 gestir)   15.900 kr.
Almennt gjald   23.900 kr.



Skoða félagatal Viðskiptaráðs

Viðfangsefni: Auðlindanýting, Framleiðni, Viðskiptaþing, Viðburðir
Lokað hefur verið fyrir skráningar. Nánari upplýsingar veitir Ásthildur Gunnarsdóttir á netfanginu asthildur(hjá)vi.is.