Verðskrá

Í viðskiptum við ríki sem ekki hafa gert sérstaka samninga um upprunareglur er oft farið fram á staðfestingu á uppruna. Algengt er að erlendur kaupandi vöru fari fram á að íslenskur útflytjandi afli staðfestingar Viðskiptaráðs á yfirlýsingu sinni á því að varan sé íslensk. Ástæðan er það almenna traust sem viðskiptaráðin njóta um heim allan. Eru þau talin áreiðanlegri en t.d. stjórnvöld í ýmsum ríkjum þriðja heimsins.

Áritanir á yfirlýsingar eru veittar félagsmönnum fyrir 500 kr. pr. áritun frumrita en fyrir 2.500 kr. pr áritun til annarra miðað við almennan afgreiðslutíma.

Dæmi 1: a) Félagsmaður: Upprunavottorð 1 frumrit og 10 fylgiskjöl sett saman í eina umsókn. Verð 500 kr. b) Aðrir: Verð 2.500 kr.

Dæmi 2: a) Félagsmaður: Upprunavottorð 3 frumrit af sama vottorðinu og 10 fylgiskjöl með hverju vottorði. Verð 1.500 kr b) Aðrir: Verð 7.500 kr.

*Almennur afgreiðslutími er 24 klst frá því að umsókn er móttekin. Sé óskað eftir flýtimeðferð með afgreiðslu eins flótt og auðið er innan 2 klst frá því að umsókn er móttekin er hægt að merkja við það í umsóknarferlinu. Flýtimeðferð kostar 2.500 kr. fyrir félagsmenn og 5.000 kr fyrir aðra. Flýtimeðferð er aðeins gjaldfærð einu sinni á dag óháð fjölda umsókna.

** Ef óskað er eftir að skrifstofa Viðskiptaráðs prenti út vottorð og stimpli með blekstimpli þá leggjast 100 kr. á hvert vottorð. Ef óskað er eftir að vottorð séu póstsend til umsækjanda þá leggjast 500 kr. pr. sendingu fyrir 1-10 vottorð og 500 kr. fyrir hver 10 vottorð umfram það. Gjöld fyrir prentun og póstsendingu eru bæði fyrir félagsmenn og aðra.

*** Ekki er greitt fyrir fylgiskjöl, aðeins fyrir vottorðið sjálft.

Viðskiptaráð Íslands áskilur sér rétt til þess að veita ekki áritun á upprunavottorð til þeirra sem eru í vanskilum við ráðið. Sé um vanskil að ræða verða vottorðin ekki afgreidd fyrr en skuld hefur verið gerð upp.

Öll verð eru undanskilin virðisaukaskatti.