Viðskiptaráð Íslands

Loftslagsaðgerðir þurfi að byggja á hagkvæmni

Fri, 30 Oct 2026 15:30:00 GMT

Viðskiptaráð styður markmið um skýrari og skilvirkari stjórnsýslu loftslagsmála en leggur áherslu á að loftslagsaðgerðir byggist á hagkvæmni og heildstæðu mati á kostnaði, ávinningi og efnahagslegum áhrifum. Í frumvarpinu er gert ráð fyrir að kostnaður vegna frávika frá losunarúthlutun verði reiknaður, án sambærilegrar kröfu um mat á kostnaði við hertar mótvægisaðgerðir. Ráðið leggur því til að stjórnvöldum verði gert að bera saman mismunandi leiðir með tilliti til kostnaðar, árangurs og efnahagslegra áhrifa. Jafnframt er lögð áhersla á að tekið verði mið af sérstöðu Íslands og samkeppnishæfni atvinnulífsins, stjórnsýslukostnaði og upplýsingaskyldu fyrirtækja verði stillt í hóf og aðkoma atvinnulífsins að loftslagsráði tryggð.

Kraftur í kortunum: leiðin að tvöföldun raforkuframleiðslu

Thu, 29 Oct 2026 07:00:00 GMT

Kortlagðir virkjunarkostir gætu margfaldað raforkuframleiðslu Íslands, en hún hefur staðið í stað frá 2017. Rammaáætlun, margar kæruleiðir og veikt flutningskerfi valda því að það tekur áratugi að koma nýrri virkjun í gagnið. Viðskiptaráð leggur til að rammaáætlun verði lögð af og að raforkuframleiðsla verði rúmlega tvöfölduð fyrir 2040.

Tímabundin ráðstöfun að varanlegri skuldbindingu

Thu, 29 Oct 2026 06:00:00 GMT

Viðskiptaráð leggst gegn því að orlofs- og desemberuppbætur til lífeyrisþega verði lögfestar og að sérstökum eingreiðslum verði haldið áfram. Eingreiðslurnar voru upphaflega tímabundin ráðstöfun vegna kórónuveirufaraldursins, en nýtt örorkukerfi hefur síðan tekið gildi. Ráðið hvetur stjórnvöld til að meta heildstætt samspil bóta, frítekjumarka og skerðinga svo tryggja megi skýran hvata til atvinnuþátttöku.

Fjármagnstekjuskattur tekur stóran hluta raunávöxtunar

Thu, 29 Oct 2026 06:00:00 GMT

Ragnar Sigurður Kristjánsson, hagfræðingur Viðskiptaráðs, var meðal frummælenda á morgunverðarfundi Samtaka sparifjáreigenda um skattlagningu sparnaðar. Í erindi sínu sýndi hann að raunveruleg skattbyrði sparnaðar er langt umfram 22% skatthlutfallið.

Sveitarfélög fái sjálfdæmi um fjölda fulltrúa

Wed, 28 Oct 2026 11:30:00 GMT

Viðskiptaráð styður frumvarp sem heimilar sveitarfélögum með yfir 100.000 íbúa að fækka kjörnum fulltrúum úr 23 í 15. Borgarfulltrúar í fullu starfi eru hlutfallslega fimmtánfalt fleiri í Reykjavík en í öðrum norrænum höfuðborgum. Ráðið hvetur jafnframt til þess að sveitarfélög fái sjálf að ákveða fjölda kjörinna fulltrúa.

Góðir stjórnarhættir eru ekki gátlisti

Wed, 28 Oct 2026 09:45:00 GMT

„Leiðbeiningarnar eiga því ekki að vera gátlisti sem fylgt er án umhugsunar, heldur verkfæri sem hvetur stjórnir til að taka upplýsta afstöðu til eigin stjórnarhátta.“

Upptaka frá útgáfufundi leiðbeininga um stjórnarhætti fyrirtækja

Mon, 26 Oct 2026 15:00:00 GMT

Upptaka frá útgáfufundi sjöundu útgáfu leiðbeininga um stjórnarhætti fyrirtækja er nú aðgengileg. Þar má sjá erindi og pallborðsumræður.

Leigubremsa grefur undan húsnæðisöryggi leigjenda

Fri, 23 Oct 2026 12:10:00 GMT

Viðskiptaráð leggst gegn frumvarpi um frekari takmarkanir á hækkun leigu á samningstíma. Samantekt 112 ritrýndra rannsókna sýnir að slíkar takmarkanir draga úr framboði, gæðum og nýtingu leiguhúsnæðis, auk þess sem þær geta ýtt undir verðbólgu með hærri upphafsleigu og styttri samningum. Besta leiðin til að styrkja stöðu leigjenda er að tryggja nægt framboð húsnæðis.

Fullt hús á útgáfufundi nýrra leiðbeininga um stjórnarhætti fyrirtækja

Thu, 22 Oct 2026 16:00:00 GMT

Yfir 180 manns sóttu útgáfufund sjöundu útgáfu leiðbeininga um stjórnarhætti fyrirtækja í Háteigi á Grand Hótel í gær, 21. október. Nýja útgáfan var kynnt í prenti og nýr vefur, leidbeiningar.is, var opnaður.

Tryggja þarf óháða kæruleið í stuðningskerfi nýsköpunar

Thu, 22 Oct 2026 06:30:00 GMT

Viðskiptaráð fagnar breytingum sem auka fyrirsjáanleika í stuðningskerfi rannsókna og þróunar. Ráðið leggur þó til óháða kæruleið vegna ákvarðana Rannís og varar við því að skýrari kostnaðarreglur þrengi stuðninginn, en samþykktarhlutfall umsókna hefur lækkað úr 92% í 61% á fjórum árum.

Ný útgáfa leiðbeininga um stjórnarhætti fyrirtækja

Wed, 21 Oct 2026 17:00:00 GMT

Sjöunda útgáfa leiðbeininga um stjórnarhætti fyrirtækja er komin út. Samhliða útgáfunni hefur nýr og endurbættur vefur, leidbeiningar.is, verið tekinn í notkun. Áhersla var lögð á að einfalda leiðbeiningarnar og skýra framsetningu þeirra frekar en að bæta við tilmælum. Nýja útgáfan tekur gildi 1. janúar 2027.

Einkunnir þurfi að vera samanburðarhæfar milli skóla

Wed, 21 Oct 2026 15:30:00 GMT

Viðskiptaráð fagnar því að lokaeinkunnir í 10. bekk verði settar fram með tölum í stað bókstafa. Ráðið bendir þó á að breytingin hafi takmarkað gildi nema tryggt sé að sama einkunn endurspegli sambærilega hæfni óháð skóla og leggur til að matsviðmið og vægi hæfniviðmiða verði betur skilgreind og samræmd.

Fækkun verkefna Hagstofunnar skili sér í lægri útgjöldum

Wed, 21 Oct 2026 12:35:00 GMT

Viðskiptaráð styður frumvarp um að skylda Hagstofunnar til að starfrækja sjálfstæða rannsóknareiningu verði felld brott. Ráðið fagnar því að í greinargerð sé tekið undir að fækkun lögbundinna verkefna eigi að skapa tækifæri til hagræðingar en hvetur stjórnvöld til að meta þá hagræðingu áður en svigrúminu er ráðstafað til annarra verkefna.

Ragnar ræddi stöðu RÚV og fjölmiðlamarkaðarins í Spursmálum

Tue, 20 Oct 2026 14:45:00 GMT

Ragnar Sigurður Kristjánsson, hagfræðingur Viðskiptaráðs, ræddi stöðu einkarekinna fjölmiðla og frumvarpsdrög um RÚV í Spursmálum. Hann sagði rót vandans liggja í skekktu samkeppnisumhverfi og að taka ætti RÚV af auglýsingamarkaði.

Einkamiðlar verða háðir velgengni RÚV

Tue, 13 Oct 2026 10:45:00 GMT

Viðskiptaráð fagnar því að lagakvöð um lágmarksfjölda rása RÚV verði afnumin en gerir alvarlegar athugasemdir við að hluti auglýsingatekna RÚV renni til einkarekinna miðla. Útfærslan gerir einkamiðla óbeint háða velgengni helsta samkeppnisaðila síns og skapar óeðlilega hvata. Ráðið telur löngu tímabært að taka RÚV af auglýsingamarkaði.

Hálf sagan um fjármagnstekjuskatt

Mon, 12 Oct 2026 13:40:00 GMT

„Vísað var til þess að fjármagnstekjuskattur væri aðeins 22%, mun lægri en skattur á launatekjur. Sú skattprósenta segir þó aðeins hálfa söguna. Til að meta skattbyrði á fjármagnstekjur þarf einnig að taka tillit til verðbólgu og þess skatts sem fyrirtæki greiða áður en hagnaður er greiddur út sem arður.“

Sykurskattur óskilvirk leið að lýðheilsumarkmiðum

Sat, 10 Oct 2026 12:00:00 GMT

Viðskiptaráð ítrekar fyrri athugasemdir sínar við aðgerðaáætlun vegna offitu og varar við sértækri skattlagningu á tilteknar matvörur. Slík skattlagning er óskilvirkt stjórntæki sem felur í sér neyslustýringu og eykur flækjustig og kostnað, án þess að sýnt hafi verið fram á ávinning fyrir lýðheilsu.

Gjaldtaka á Gullna hringnum verði endurskoðuð

Wed, 07 Oct 2026 16:45:00 GMT

Viðskiptaráð tekur undir mikilvægi þess að tryggja uppbyggingu og viðhald fjölsóttra ferðamannastaða en telur náttúru- og innviðagjald á Gullfoss, Geysi og Þingvelli hvorki einfalda né hagkvæma leið. Gjaldið bætist við aðra skattheimtu á ferðaþjónustu, kallar á nýtt innheimtu- og eftirlitskerfi og á sér takmarkaða hliðstæðu á Norðurlöndum.

Samþjöppun eftirlits má ekki bitna á öðrum verkefnum Fjarskiptastofu

Wed, 07 Oct 2026 12:00:00 GMT

Viðskiptaráð tekur undir markmið frumvarpsdraga um að færa eftirlit með öryggi net- og upplýsingakerfa mikilvægra innviða til Fjarskiptastofu. Ráðið telur þó ekki nægilega sýnt fram á að stofnunin geti tekið við verulega auknum verkefnum, án aukinna útgjalda, án þess að það komi niður á öðrum lögbundnum verkefnum hennar.

Fjárlagafrumvarp 2027: 46 tillögur að aukinni hagræðingu

Tue, 06 Oct 2026 06:00:00 GMT

Viðskiptaráð fagnar því að gert sé ráð fyrir 5 ma. kr. afgangi af rekstri ríkissjóðs árið 2027 en bendir á að rúmlega helmingur sértækra útgjaldaráðstafana byggir á nýtingu uppsafnaðra fjárheimilda og að frumvarpið boðar skattahækkanir upp á rúma 34 ma. kr. á breiðum grunni. Ráðið leggur fram 46 tillögur að hagræðingu í ríkisrekstri sem gætu skilað 110 ma. kr. til lengri tíma litið.