Fjölgun stuðningskerfa ekki til bóta

Viðskiptaráð hefur skilað inn umsögn til velferðarnefndar Alþingis vegna frumvarps til laga um almennar íbúðir. Með frumvarpinu eru gerðar tillögur um fjármögnun, rekstur og úthlutun á svokölluðum almennum íbúðum sem verða að hluta fjármagnaðar með stofnframlögum úr ríkissjóði og frá sveitarfélögum.

Umsögnina má í heild sinni nálgast hér

Í umsögninni kemur eftirfarandi fram:

  • Með frumvarpinu er litið fram hjá nýlegri úttekt Alþjóðagjaldeyrissjóðsins á skatt- og bótakerfinu hér á landi. Í stað þess að leitast við að fækka stuðningskerfunum hins opinbera á húsnæðismarkaði er lagt til að þeim sé fjölgað enn frekar með því að innleiða fjórða stuðningskerfið.
  • Gert er ráð fyrir 1,5 milljaðra kr. framlagi á ári til Íbúðalánasjóðs til stofnframlaga til byggingar eða kaupa á almennum íbúðum næstu fjögur árin. Viðskiptaráð leggst gegn því að umsvif Íbúðalánasjóðs verði aukin og leggur þess í stað til að Íbúðalánasjóður hætti alfarið nýjum lánveitingum og starfsemi og unnið verði að niðurlagningu stofnunarinnar.
  • Líklegt er að auknir opinberir styrkir til nýbygginga og kaupa á húsnæði muni leiða til hækkunar á fasteignaverði og leigu sem skerðir hag þeirra sem eru kaupendur að íbúðum eða leigja á almennum markaði utan félagslega kerfisins.
  • Bent er á aðrar leiðir til að auðvelda efnaminni fjölskyldum að kaupa eða leigja eigið húsnæði. Nefnir Viðskiptaráð sem dæmi endurbætur á skattkerfinu og einföldun regluverks.

Tengt efni

Vel sóttur Peningamálafundur Viðskiptaráðs

Peningamálafundur Viðskiptaráðs fór fram í morgun, 23. nóvember. Yfirskrift ...
23. nóv 2023

Árangurslitlar aðgerðir á húsnæðismarkaði

„Stuðningsúrræði stjórnvalda hafa verið of almenn í gegnum tíðina og kostað háar ...
4. des 2023

Ríkið herðir hnútinn á leigumarkaði

Frumvarp um breytingar á húsaleigulögum er enn einn rembihnúturinná leigumarkaðinn
31. ágú 2023