23.01.2019 | Umsagnir

Framkvæmum framtíðarsýn um fjármálakerfið

Viðskiptaráð Íslands hefur skilað umsögn um Hvítbók um framtíðarsýn um fjármálakerfið. Ráðið tekur í meginatriðum undir þá framtíðarsýn og meginstoðir sem fram koma í hvítbókinni og hvetur stjórnvöld til að setja vinnu um nauðsynlegar breytingar og nánari skoðun þeirra atriða sem koma til álita ofarlega í forgang. Ekki hefur gefist ráðrúm til að leggja heildstætt mat á allar tillögur og það sem fram kemur í hvítbókinni en að þessu sinni vill Viðskiptaráð leggja áherslu á og ítreka eftirfarandi atriði.

  • Gott regluverk og eftirlit, sem ekki er of íþyngjandi, eru lyklarnir að traustu fjármálakerfi.
  • Lækka þarf og helst afnema bankaskatt, innflæðishöft eiga að að jafnaði ekki að vera til staðar.
  • Grípa þarf til aðgerða til að auka skilvirkni íslensks verðbréfamarkaðar. Skoða ætti að bjóða skattafslátt til fjárfestingar séreignarsparnaðar í verðbréfum.
  • Íbúðalánasjóður ætti að renna inn í einhvern eða einhverja viðskiptabankanna og að hluta inn í ráðuneyti.
  • Ríkið á að setja sér skýra stefnu og áætlun um að selja þá banka sem eru í hans eigu með varfærni og arðsemi að leiðarljósi.

Lesa umsögn í heild sinni

Viðfangsefni: Fjárfestingar, Regluverk og eftirlit, Samkeppnishæfni, Regluverk