22.08.2019 | Skýrslur

Icelandic Economy 2019 komin út

Höfundur mynda í skýrslunni: Inga Dóra Guðmundsdóttir

Hin árlega skýrsla „The Icelandic Economy“ er nú komin út. Skýrslan er einstakt og yfirgripsmikið rit á ensku um íslenskt efnahagslíf. Skýrslan skiptist í sjö kafla, sem veita yfirsýn yfir stöðuna í íslensku efnahagslífi og stjórnmálum ásamt horfum til framtíðar.

Smellið hér til að opna skýrsluna

Umfjöllunarefni skýrslunnar er m.a. eftirfarandi:

  • Þróun helstu hagstærða og samhengi þeirra við önnur ríki
  • Utanríkisviðskipti og erlend staða þjóðarbúsins
  • Þróun helstu útflutningsgreina
  • Staðan í ferðaþjónustunni
  • Þróun mála á vinnumarkaði
  • Einkenni og þróun fjármálamarkaðs
  • Peningastefnan og íslenska krónan
  • Mögulegar innviðafjárfestingar
  • Vaxtarmöguleikar til framtíðar

Íslenskt efnahagslíf hefur gengið í gegnum miklar breytingar á síðustu 10 árum. Á sama tíma hefur upplýsingagjöf til erlendra aðila um þróun efnahagsmála á Íslandi oft verið af skornum skammti. Þess vegna hefur Viðskiptaráð frá haustinu 2008, gefið reglulega út skýrslu á ensku um stöðu efnahagsmála hérlendis. Skýrslan er send til erlendra tengiliða í fyrirtækjum, alþjóðastofnunum, systursamtökum Viðskiptaráðs og hjá hinu opinbera víðs vegar um heiminn.

Smellið hér til að opna skýrsluna

Glærukynning er einnig efin út samhliða skýrslunni en í henni má finna myndir úr skýrslunni á aðgengilegu formi.

Smellið hér til að lesa kynninguna

Viðskiptaráð býður upp á kynningar á skýrslunni og prentuð eintök til sölu (í takmörkuðu upplagi). Hafa má samband við hagfræðing ráðsins, Konráð S. Guðjónsson, á netfanginu konrad@vi.is fyrir nánari upplýsingar.