Málefnastarf

Málefnastarf Viðskiptaráðs miðar að því að bæta rekstrarumhverfi íslensks viðskiptalífs og styrkja þannig forsendur fyrir aukinni verðmætasköpun og bættum lífskjörum. Starfið samanstendur af útgáfu, viðburðum og umsögnum um lagafrumvörp.

08.11.2018 | Fréttir

Mikill kostnaður af persónuverndarlögum

Árlegur kostnaður íslenskra fyrirtækja vegna nýrra persónuverndarlaga (GDPR) verður varlega áætlaður 1,3 milljarðar króna á hverju ári og kostnaður við innleiðinguna sjálfa hleypur auk þess á hundruðum milljóna. Þetta og fleira kom í ljós í könnun sem Viðskiptaráð Íslands gerði meðal aðildarfélaga sinna. Um 80 aðildarfélög Viðskiptaráðs svöruðu könnuninni, en aðildarfélög ráðsins eru ríflega 200 og langt því frá að telja öll fyrirtæki á Íslandi.

28.10.2018 | Umsagnir

Ráðgjafastofa innflytjenda

Viðskiptaráð er í grundvallaratriðum hlynnt þeim markmiðum sem tillagan stefnir að. Viðskiptaráð telur hins vegar rétt að ef af stofnun ráðgjafastofu innflytjenda verður þurfi að tryggja að hlutverk hennar nái þar með talið til þess að þjóna erlendum sérfræðingum, sem skipta máli fyrir áframhaldandi kröftugan vöxt íslensks efnahagslífs

26.10.2018 | Umsagnir

Heimagistingarfrumvarp skerðir samningsfrelsi leigjenda

Viðskiptaráð hefur skilað inn umsögn um frumvarp til laga um breytingu á lögum um veitingastaði, gististaði og skemmtanahald, nr. 85/2007. Athugasemdir ráðsins snúa fyrst og fremst að 1. gr. þess frumvarps sem nú er í samráði.

03.09.2018 | Fréttir

100 ára saga verslunar og viðskipta á Íslandi

Heimildarmyndin Hugvit leyst úr höftum er nú aðgengileg aftur á Sarpi RÚV. Heimildarmyndin fjallar um sögu Viðskiptaráðs Íslands í hundrað ár þar sem saga verslunar og viðskipta er þrædd frá 1917 til dagsins í dag.

30.08.2018 | Greinar

Að hvetja frekar en að refsa

Alþekkt er hvernig EES-reglur eru í þriðjungi tilfella innleiddar með meira íþyngjandi hætti en þörf er á og sektir oft hærri en gengur og gerist í löndunum í kringum okkur. Hvernig stendur á því að í íslenskri löggjöf sé frekar leitast eftir því að íþyngja og refsa, en að auka skilvirkni og skapa hvata til framfara?

28.08.2018 | Greinar

Regla í heystakki

Ef einhver ætlar að kynna sér tiltekna reglugerð eða vill fá heildstætt yfirlit yfir gildandi stjórnvaldsfyrirmæli er það hægara sagt en gert. Nú er sá hátturinn hafður á að reglugerðir birtar í reglugerðarsafni Stjórnarráðsins og allar síðari breytingar á þeirri reglugerð eru að jafnaði birtar í aðskildum skjölum.

24.08.2018 | Umsagnir

Opinber samkeppnisrekstur í net- og upplýsingakerfum

Viðskiptaráð hefur skilað inn umsögn um frumvarp til laga um öryggi net- og upplýsingakerfa mikilvægra innviða. Telur ráðið m.a. að hið opinbera eigi ekki að standa í samkeppni við einkaaðila á markaði.

16.08.2018 | Skýrslur

The Icelandic Economy - ný útgáfa

Hin árlega skýrsla „The Icelandic Economy: Current State, Recent Developments and Future Outlook“ er nú komin út. Skýrslan er einstakt og yfirgripsmikið rit á ensku um íslenskt efnahagslíf. Í henni er fjallað um efnahagslegt ástand á Íslandi, nýlega þróun í stjórnmálum, viðskiptum og efnahagslífi ásamt horfum til framtíðar.

03.07.2018 | Umsagnir

Athugasemdir við kröfur Embættis landlæknis

Viðskiptaráð Íslands, Samtök atvinnulífsins og SVÞ – Samtök verslunar og þjónustu hafa tekið til umsagnar kröfur landlæknis um öryggi við veitingu fjarheilbrigðisþjónustu sem birt var í samráðsgáttinni hinn 4. júní sl. Samtökin taka undir mikilvægi þess að gætt sé að fyllsta öryggi við veitingu og rekstur fjarheilbrigðisþjónustu. Samtökin gera hins vegar athugasemdir við þær kröfur sem Embætti landlæknis hyggst setja, bæði um lögmæti þeirra og efnislegt innihald.

14.06.2018 | Greinar

​Hraðatakmörkun íslenskra fyrirtækja

Athugasemdir viðskiptalífsins snúa að því að styrkja regluverkið þannig að það feli í sér þann fyrirsjáanleika og réttarvissu sem almennt er talin mikilvægur hornsteinn í heilbrigðu viðskiptalífi. Því miður getur reynst erfitt að koma þessum sjónarmiðum á framfæri, eða eiga i uppbyggilegu samtali um úrbætur, ef viðhorfið í garð viðskiptalífsins einkennist af óhóflegri tortryggni.