Viðskiptaráð óskar nýrri ríkisstjórn farsældar í starfi

Viðskiptaráð óskar nýrri ríkisstjórn Sjálfstæðisflokks og Samfylkingar farsældar í starfi sínu á komandi kjörtímabili. Það er ljóst að fjölmörg brýn verkefni liggja fyrir og sterkur þingmeirihluti nýrrar ríkisstjórnar kemur tvímælalaust til að styðja við þá vinnu.

Viðskiptaráð leggur áherslu á að haldið verði áfram á braut efnahagslegra framfara og skattalegra umbóta. Árangur síðustu ára hefur sýnt fram á að vaxtarbroddur atvinnulífsins fellst ekki síst í virkjun einkaframtaksins og því er mikilvægt að stuðla að frekari þróun í þá átt. Sé hlúð að atvinnulífinu skapast forsendur til áframhaldandi hagsældar innan allra sviða samfélagsins.