Viðskiptaráð veitir aðildarfélögum sínum ýmsa ráðgjöf og þjónustu án endurgjalds. Hvort heldur er um ráðgjöf, almenna þjónustu eða vinnu að hagsmunamálum fyrirtækja gerir ráðið sitt besta við að leysa hratt og greiðlega úr málum félaga sinna. Ennfremur veitir Viðskiptaráð sérhæfða þjónustu fyrir félaga sem og aðra á sviði upprunavottorða og ATA Carnet skírteina.

Þjónusta

Eitt af meginhlutverkum Viðskiptaráðs er að vera málsvari fyrir félaga. Sem heildarsamtök viðskiptalífsins starfar Viðskiptaráð óskipt að hagsmunum allra sem stunda viðskipti. Ráðið er málsvari viðskiptalífisins gagnvart stjórnvöldum í að leiða fram jákvæðar breytingar, til dæmis með umsagnarskrifum. Einnig kemur Viðskiptaráð reglulega á framfæri mikilvægum upplýsingum um þróun efnahagslífsins gagnvart aðildarfélögum og öðrum innlendum sem erlendum aðilum, t.d. með útgáfu Icelandic Economy, úttekt á samkeppnishæfni og annarri útgáfu.

Skrifstofa Viðskiptaráðs gefur út ATA Carnet skírteini og upprunavottorð. ATA Carnet skírteini heimila tímabundinn útflutning á vörum og vörusýnishornum en upprunavottorðum er ætlað það hlutverk að staðfesta upprunaland tiltekinnar framleiðsluvöru. Þá veitir lögfræðingur ráðsins aðildarfélögum ýmis konar lögfræðiráðgjöf auk þess sem hagfræðingur Viðskiptaráðs heldur kynningar um efnahagsmál sé þess óskað.

Starfsfólk ráðsins er aðildarfélögum sínum afar aðgengilegt og skrifstofan ráðsins er opin alla virka daga. Best er að hafa samband í síma 510 7100 eða með tölvupósti á mottaka@vi.is.

Tengt efni

Agla Eir Vilhjálmsdóttir, lögfræðingur Viðskiptaráðs 

Lögfræðingur Viðskiptaráðs veitir aðildarfélögum ráðsins almenna lögfræðiráðgjöf um viðskiptatengd málefni. Hann svarar meðal annars fyrirspurnum um löggjöf og reglugerðir sem varða rekstur fyrirtækja. Það er vilji Viðskiptaráðs að slík ráðgjöf skýri réttarstöðu aðildarfélaga og mögulegar málalyktir í tilteknum málum.

Gerðardómur Viðskiptaráðs Íslands er starfræktur innan vébanda Viðskiptaráðs. Með notkun Gerðardómsins býðst aðildarfélögum ráðsins önnur leið til að leysa úr  ágreiningi en fyrir almennum dómstólum. Aðildarfélög geta með málsskoti til gerðardómsins fengið niðurstöðu í mögulegum ágreiningi með skjótum og öruggum hætti. Viðskiptaráð býður jafnframt upp á aðstoð við að leysa úr viðskiptadeildum með sérstakri sáttamiðlun.

Lögfræðiráðgjöf

Þjónusta

Þjónusta – Undirsíður

Aðalvamynd

Málefnastarf

Þjónusta

Um okkur