Viðskiptaráð óskar nýrri ríkisstjórn velfarnaðar í starfi

Ný ríkisstjórn Samfylkingar og Vinstrihreyfingarinnar – græns framboðs, undir forystu Jóhönnu Sigurðardóttur, hefur tekið til starfa. Stjórnin mun starfa í skamman tíma, eða fram að alþingiskosningum, sem fyrirhugað er að halda í apríl á þessu ári. Viðskiptaráð óskar nýrri ríkisstjórn velfarnaðar í starfi sínu. Í gegnum tíðina hefur Viðskiptaráð átt farsælt samstarf við stjórnvöld um eflingu íslensks efnahags- og viðskiptalífs og standa vonir ráðsins til þess að svo verði áfram.

Ráðherralisti nýrrar stjórnar:

Forsætisráðherra: Jóhanna Sigurðardóttir
Fjármála-, sjávarútvegs- og landbúnaðarráðherra: Steingrímur J. Sigfússon
Utanríkis- og iðnaðarráðherra: Össur Skarphéðinsson
Menntamálaráðherra: Katrín Jakobsdóttir
Félagsmálaráðherra: Ásta R. Jóhannesdóttir
Heilbrigðisráðherra: Ögmundur Jónasson
Dómsmálaráðherra: Ragna Árnadóttir
Viðskiptaráðherra: Gylfi Magnússon
Samgönguráðherra: Kristján L. Möller
Umhverfisráðherra: Kolbrún Halldórsdóttir