Skattar á skatta ofan

Viðskiptaráð hefur skilað inn umsögnum um tvö lagafrumvörp í tengslum við fjárlög fyrir árið 2019. Um er að ræða breytingar á ýmsum lögum og aðrar aðgerir í samræmi við forsendur fjárlaga og snúa að mestu leyti að skattkerfinu.

Í fyrri umsögninni um ýmsar aðgerðir í samræmi við forsendur fjárlaga 2019 (mál nr. 2) kemur eftirfarandi fram:

• Heildstæð endurskoðun á tekju- og bótakerfinu með einfaldleika að markmiði er jákvæð
• Endurskoða þarf innbyggða skattahækkun í tekjuskattskerfinu
• Vaxtabætur ber að afnema og á móti á að lækka skattbyrði með öðrum hætti
• Lækkun tryggingagjalds er jákvæð en gjaldið þarf að lækka enn meira

Lesa umsögn (mál nr. 2)

Í seinni umsögninni um breytingar á ýmsum lögum vegna fjárlaga 2019 (mál nr. 3) kemur eftirfarandi fram:

• Krónutöluhækkanir ýta undir verðbólgu og ber því að halda undir verðbólgumarkmiði
• Viðskiptaráð leggst gegn frekari hækkun áfengisgjalds
• Hækkun kolefnisgjalds á að vera tekjuhlutlaus og því ber að lækka skatta sem því nemur
• Viðskiptaráð setur stórt spurningarmerki við aukin framlög til þjóðkirkjunnar og kristnisjóðs

Lesa umsögn (mál nr. 3)