Aðalfundur Viðskiptaráðs

Aðalfundur Viðskiptaráðs Íslands verður haldinn á Hilton Reykjavík Nordica miðvikudaginn 13. febrúar nk. kl. 11:00. Þá mun jafnframt fara fram Viðskiptaþing Viðskiptaráðs kl. 13:00 sem að þessu sinni er haldið undir yfirskriftinni „Krónan – byrði eða blóraböggull“?

Samkvæmt 9. gr. laga Viðskiptaráðs er dagskrá aðalfundar sem hér segir:
1. Skýrsla stjórnar.
2. Reikningar bornir upp til samþykktar.
3. Úrslit formanns- og stjórnarkjörs tilkynnt.
4. Lagabreytingar.
5. Kosning kjörnefndar.
6. Tekju- og gjaldaáætlun kynnt og árgjöld ákvörðuð.
7. Önnur mál.

Athygli félagsmanna er vakin á því að frestur til að skila inn lagabreytingatillögum rennur út 11. janúar nk. og frestur til að skila inn framboði til embættis formanns rennur út 23. janúar nk.

Nánari upplýsingar eru veittar á skrifstofu ráðsins í síma 510-7100.