Finnsk-íslenska viðskiptaráðið verður hluti af Millilandaráðunum

Fyrir skömmu var Finnsk-íslenska viðskiptaráðið stofnað. Markmið ráðsins verður að efla og viðhalda viðskiptatengslum milli Finnlands og Íslands, ásamt því að efla tengsl á sviðum menntunar og menningar.

Í samræmi við markmið ráðsins mun ráðið m.a. vinna að skipulagningu funda og ráðstefna er varða almenn málefni milli landanna tveggja og viðskiptasendinefndir. Finnsk-íslenska viðskiptaráðið mun einnig standa vörð um viðskiptatengda hagsmuni félaga sinna gagnvart finnskum og íslenskum yfirvöldum.

Til þess að verða aðildafélagi að Finnsk-íslenska viðskiptaráðinu er hægt að skrá fyrirtæki eða einstaklinga í aðild hér.