Stofnun samstarfsvettvangs um loftslagsmál

Katrín Olga Jóhannesdóttir, formaður og Ásta S. Fjeldsted, framkvæmdastjóri Viðskiptaráðs skrifa undir stofnun samstarfsvettvangsins fyrir hönd Viðskiptaráðs Íslands ásamt Katrínu Jakobsdóttur, forsætisráðherra. Fjöldi fyr­ir­tækja op­in­berra og einka­rek­inna skrifaði und­ir stofn­un sam­ráðsvett­vangs­ins. Mynd: mbl.is/Eggert Jó­hann­es­son

Skrifað var und­ir stofn­un sam­starfs­vett­vangs stjórn­valda og fjölda stórra aðila í at­vinnu­líf­inu um sam­starf í lofts­lags­mál­um.

For­sæt­is­ráðuneytið, um­hverf­is- og auðlindaráðuneytið, ut­an­rík­is­ráðuneytið og at­vinnu­vega- og ný­sköp­un­ar­ráðuneytið; Sam­tök at­vinnu­lífs­ins, Sam­tök iðnaðar­ins, Samorka, Orkuklas­inn, Viðskiptaráð Íslands, Bænda­sam­tök Íslands, Íslands­stofa, auk fjölda annarra fyr­ir­tækja standa að sam­starfs­vett­vangn­um. Mark­miðið er að bæta ár­ang­ur í lofts­lags­mál­um en jafn­framt að miðla ár­angri Íslands í þeim efn­um á alþjóðavett­vangi. Horft er annars vegar til þess hvernig hægt er að miðla græn­um lausn­um og hug­viti sem hef­ur reynst Íslandi vel við að ná ár­angr­i og hins veg­ar að at­vinnu­líf og stjórn­völd sam­mæl­ast um mark­mið um kol­efn­is­laust Ísland 2040.

„Ég fagna því að íslenskt atvinnulíf sýni hug sinn í verki með þessum hætti. Viðskiptaráð Íslands sýndi framsýni fyrir að verða þremur árum þegar umhverfislinsan var kynnt til leiks sem ein af fjórum framtíðarlinsum ráðsins og inn í hana stígum við nú full af bjartsýni og krafti," sagði Katrín Olga Jóhannesdóttir, formaður ráðsins af þessu tilefni.