Vel heppnað Viðskiptaþing 2019

Húsfyllir var á Viðskiptaþingi sem haldið var í síðustu viku. Yfirskrift þingsins var: „Skyggni nánast ekkert – forysta í heimi óvissu.“ Á þinginu var horft til þeirra áskorana sem mæta leiðtogum á tímum óvissu, þegar óvissa ríkir meira að segja um óvissuna sjálfa.

Á þinginu fjölluðu Paul Polman, sem nýlega lét af störfum sem forstjóri Unilever, og Valerie G. Keller, forstjóri Beacon Institute um þær áskoranir sem viðskiptalífið um allan heim þarf að takast á við í heimi óvissu. Aðrir ræðumenn voru Katrín Olga Jóhannesdóttir, formaður Viðskiptaráðs Íslands, Katrín Jakobsdóttir forsætisráðherra og Margrét Pála Ólafsdóttir, höfundur Hjallastefnunnar. Auk þeirra fluttu fjórir ráðherrar örhugvekju um áskoranir leiðtoga á óvissutímum. Meðfylgjandi er myndaalbúm og myndbönd af þinginu. Fyrirlestrarnir sjálfir verða aðgengilegir jafnt og þétt næstu daga á miðlunarsíðum Viðskiptaráðs.