Fjármagnstekjuskattur er meira íþyngjandi en þú hélst

Smelltu hér til að lesa Skoðunina í heild

Fjármagnstekjuskattur, sem um áramótin var hækkaður úr 20% í 22%, er meira íþyngjandi en virðist í fyrstu. Helsta ástæða þess er að skatturinn leggst afar þungt á ávöxtun eftir að tekið hefur verið tillit til verðbólgu (raunávöxtun) og hefur því sögulega verið hærri hér en á hinum Norðurlöndunum. Almennt er greiddur fjármagnstekjuskattur hærri eftir því sem verðbólga er meiri sem þýðir auknar tekjur til ríkissjóðs og þannig verður minni hvati fyrir stjórnvöld til að halda aftur af verðbólgu. Þá eykur núverandi fjármagnstekjuskattur sveiflur í ávöxtun og hvetur til áhættusækni.

Vegna þessara atriða hefur verið boðuð nauðsynleg endurskoðun á stofni fjármagnstekjuskatts. Slík endurskoðun er um margt flókin og eru ýmis álitamál sem er með öllu óljóst hvernig leysa eigi. Þess vegna var hækkun fjármagnstekjuskattsins um síðustu áramót ótímabær.

Smelltu hér til að lesa Skoðunina í heild