Samstarfið við AGS gert upp
Í gær fór fram ráðstefna AGS, Seðlabankans og íslenskra stjórnvalda um lærdóma sem draga má af efnahagskreppunni og þau verkefni sem framundan eru. Ráðstefnan fór fram undir yfirskriftinni „Iceland´s Recovery - Lessons and Challenges.
Á ráðstefnunni tóku til máls forsvarsmenn ríkisstjórnar og Seðlabankans ásamt fulltrúum launþegahreyfingar og atvinnulífs. Einnig kynntu bæði innlendir og erlendir fræðimenn eigin sýn á stöðu mála hér á landi, en meðal þeirra síðarnefndu voru Joseph Stiglitz, Paul Krugman, Simon Johnson og Martin Wolf.
Finnur Oddsson, framkvæmdastjóri Viðskiptaráðs, flutti erindi á ráðstefnunni um mikilvægi samræmis á milli stefnu annarsvegar og aðgerða hinsvegar, sem stuðla að nýtingu þeirra ríku tækifæra sem hér eru fyrir hendi. Hann benti á að í of mörgum tilvikum hamlaði útfærsla á núverandi stefnu stjórnvalda í raun efnahagsbata, vegna þess að um of hefði dregið úr hvötum til vinnusemi og framtaks.
Tengt efni
Mikilvægi góðra stjórnarhátta rætt á ráðstefnu um fyrirmyndarfyrirtæki í stjórnarháttum
Efnahagslegar afleiðingar Icesave
Kerfisbreytingar og ábyrgð í ríkisfjármálum lykill að hagvexti
Vel heppnuð ráðstefna um skattamál
Vel heppnuð ráðstefna um skattamál
