Viðskiptanefnd frá Hollandi í heimsókn

Dagana 9. - 12. júní var viðskiptanefnd frá Hollandi stödd hér á landi. Nefndin sótti meðal annars KB Banka heim ásamt því að hlýða á erindi Þórs Sigfússonar á skrifstofu Verslunarráðs.

Meðal gesta voru framkvæmdastjóri stórmarkaðskeðju, húsgagnaframleiðandi og arkitekt. Fóru aðilarnir í heimsóknir til fyrirtækja sem þeir hafa áhuga á að vera í viðskiptum við og góður rómur var gerður að heimsóknunum.

VÍ vill þakka þeim aðildarfyrirtækjum sem lögðu okkur lið og tóku á móti gestum.