Opið fyrir umsóknir um námsstyrki
Opið er fyrir umsóknir um námsstyrki úr Menntasjóði Viðskiptaráðs frá og með 7. desember 2021. Umsækjendur þurfa að vera í fullu framhaldsnámi erlendis. Að þessu sinni verða veittir fjórir styrkir, hver að upphæð 1.000.000 kr.
- Umsóknarfrestur er til og með 9. janúar 2022.
- Tilkynnt verður um úthlutun úr sjóðnum á Viðskiptaþingi 10. febrúar 2022.
Um árabil hefur Viðskiptaráð veitt styrki úr Menntasjóði Viðskiptaráðs Íslands (MVÍ) til einstaklinga í framhaldsnámi við erlenda háskóla í greinum sem tengjast atvinnulífinu og stuðla að framþróun þess. Venju samkvæmt verður a.m.k. einn styrkur veittur nemanda í námsgrein tengdri upplýsingatækni. Val styrkþega er í höndum námsstyrkjanefndar. Í henni sitja: Ari Kristinn Jónsson, Daði Már Kristófersson og Guðbjörg Edda Eggertsdóttir.
Nánari upplýsingar um MVÍ og lista yfir fyrri styrkþega má finna hér. Spurningum vegna námsstyrkja er svarað í gegnum netfangið vi@vi.is.
Tengt efni
Björn og Andri í stjórn og háskólaráð HR
Átján fyrirmyndarfyrirtæki í stjórnarháttum hljóta viðurkenningu
