Ísland ohf.

Atvinnurekstur hins opinbera spannar 23 atvinnugreinar og yfir 70 ólíka rekstraraðila. Samtals starfa ríflega 7.000 einstaklingar hjá þessum aðilum – sem gerir hið opinbera að stærsta atvinnurekanda á Íslandi mælt í fjölda starfsmanna. Þetta kemur fram í nýrri kortlagningu Viðskiptaráðs Íslands á umfangi opinbers atvinnurekstrar hérlendis.

Lesa skoðun

Í skoðuninni kemur eftirfarandi fram:

• Einn af hverjum fimm opinberum starfsmönnum starfar við atvinnurekstur. Heildarfjöldi opinberra starfsmanna er um 37 þúsund í dag.
• Atvinnurekstur á frekar heima hjá einkaaðilum. Áhætta, samþjöppun valds, umboðsvandi og hagsmunaárekstrar gera hið opinbera að óheppilegum atvinnurekanda.
• Starfsemi stjórnvalda á samkeppnismörkuðum má skipta í þrennt: markaðsbresti, útvíkkun hlutverks stofnana og hefðbundinn samkeppnisrekstur.
• Í mörgum tilfellum rýrir opinber atvinnurekstur lífskjör með því að raska heilbrigðri samkeppni.