Skaðleg áhrif stimpilgjalda á húsnæðismarkaðinn

Viðskiptaráð hefur skilað inn umsögn um tvö frumvörp er snúa að lækkun og afnámi stimpilgjalds vegna fasteignaviðskipta. Stimpilgjöld hækka viðskiptakostnað á fasteignamarkaði og niðurstöður rannsókna benda til þess að skatturinn hafi skaðlegri áhrif á velferð en aðrar tegundir skattheimtu. Aukinn viðskiptakostnaður dregur úr veltu og raskar verðmyndun á einum stærsta, ef ekki stærsta, eignamarkaði á Íslandi. Það dregur úr sveigjanleika og getu heimila til þess að bregðast við breyttum aðstæðum t.d. vegna barneigna eða atvinnu. Viðskiptaráð er því eindregið fylgjandi því að frumvörpin hljóti brautargengi.

Umsögnina má í heild sinni lesa hér.