Umsögn við drög að frumvarpi til laga um breytingu á lögum um heilbrigðisþjónustu

Með frumvarpinu er ætlunin að veita lagastoð, skýra og samræma hugtakanotkun um fjarheilbrigðisþjónustu og mismunandi þætti hennar. Viðskiptaráð telur jákvætt að verið sé að veita fjarheilbrigðisþjónustu lagastoð, en veltir því samt sem áður fyrir sér hvers vegna þurfi að greina á milli heilbrigðisþjónustu eftir því hvort hún er veitt á staðnum eða með tæknilausnum og hvort ekki hefði dugað að slá því föstu að lög um heilbrigðisþjónustu gildi óháð því hvernig hún er veitt.