Kynningarfundur Íslensk-kanadíska viðskiptaráðsins

Kynningarfundur Íslensk-kanadíska viðskiptaráðsins (ICCC, Icelandic-Canadian Chamber of Commerce) verður haldinn hjá Útflutningsráði Íslands, Borgartúni 35 í fundarsal á 6. hæð, fimmtudaginn 11. maí nk. kl. 9.30. Formaður ráðsins, Gordon J. Reykdal ræðismaður Íslands í Edmonton og Walter Sopher varaformaður ráðsins og eigandi fyrirtækisins Snorri
Icelandic-Goods, munu gera grein fyrir störfum og stefnumálum ICCC og viðhorfum varðandi þróun viðskipta milli Íslands og Kanada.

Fundurinn er opinn öllum áhugasömum aðilum um eflingu samskipta Íslands og Kanada á sviði viðskipta, verslunar og þjónustu. Viðstaddir fundinn verða m.a. sendiherra Íslands í Kanada og ræðismenn Íslands þar í landi ásamt fulltrúum sendiráðs Kanada á Íslandi.

Skráning og nánari upplýsingar hjá: erla@vi.is