Aðalfundur 2024
Aðalfundur Viðskiptaráðs Íslands fer fram miðvikudaginn 7. febrúar kl. 10.30 í Húsi atvinnulífsins, Borgartúni 35. Fulltrúum allra aðildarfélaga er heimilt að sækja fundinn.
Dagskrá
Dagskrá aðalfundar er samkvæmt 9. grein laga ráðsins:
- Skýrsla stjórnar
- Reikningar bornir upp til samþykktar
- Úrslit formanns- og stjórnarkjörs tilkynnt
- Lagabreytingar
- Kosning kjörnefndar
- Tekju- og gjaldaáætlun kynnt og árgjöld ákvörðuð
- Önnur mál
Stjórnarkjör 2024
Stjórn ráðsins er skipuð 38 einstaklingum. Kosning stjórnar er óbundin þannig að kjörgengir eru allir skuldlausir félagsmenn (stjórnendur í fyrirtækjum sem eiga aðild að Viðskiptaráði). Kjörseðlar verða sendir út með rafrænum hætti þriðjudaginn 23. janúar nk. Ábendingalisti með nöfnum þeirra sem gefa sérstaklega kost á sér til stjórnarsetu (og fylgir kjörseðli) er því aðeins leiðbeinandi.
Framboð til formanns
Formaður stjórnar er kosinn sérstaklega í bundinni kosningu. Framboðsfrestur vegna formannskjörs rennur út 17. janúar næstkomandi.
Nánari upplýsingar
Nánari upplýsingar um atkvæðagreiðslu og önnur aðalfundarstörf fást hjá skrifstofu ráðsins í síma 510-7100.