Mikilvæg skref stigin til lækkunar matarverðs

Viðskiptaráð Íslands fagnar skýrslu formanns matvælanefndar sem var afhent forsætisráðherra í dag, en VÍ átti fulltrúa í nefndinni. Í skýrslu formanns matvælanefndar má finna útreikninga Hagstofunnar á beinum verðáhrifum einstakra útfærslna sem ræddar voru í nefndinni og eru til þess fallnar að dýpka alla umræðu um lækkun matvælaverðs á Íslandi.

Útreikningar Hagstofunnar sýna svart á hvítu hversu mikið hagsmunamál það er fyrir verslun og viðskipti í landinu að dregið verði úr landbúnaðarvernd og Viðskiptaráð tekur heilshugar undir það mat. Ljóst er að mikið verk er framundan á næstu misserum í þessum efnum.

Viðskiptaráð hefur um áratugaskeið barist fyrir afnámi vörugjalda og fagnar því tillögum formanns nefndarinnar um afnám vörugjalda á matvæli. Að sama skapi telur Viðskiptaráð það mikið heillaskref að samræma skattlagningu matvæla í eitt þrep.

Nálgast má skýrslu formanns matvælanefndar forsætisráðherra hér.

Fréttatilkynningu hagstofustjóra með helstu niðurstöðum skýrslunnar má nálgast hér.