Morgunverðarfundur: Áhrif banka á rekstrarumhverfi fyrirtækja

Fjármálastofnanir ráða nú miklu um landslag reksturs á Íslandi, í gegnum endurskipulagningu á skuldum og rekstri fjölda fyrirtækja á þeirra höndum. Inngrip fjármálastofnana í rekstur fyrirtækja getur haft veruleg áhrif á samkeppnis- og rekstrarumhverfi atvinnugreina, eins og umræða undafarinna mánaða ber glöggt vitni. Til að ræða þau mál og leiðir til lausna boðar Viðskiptaráð Íslands til morgunverðarfundar næstkomandi fimmtudag. 

Efnistök fundarins verða m.a. samkeppnisaðstæður fyrirtækja í bankakreppu, fjármagnsskipan ríkisbanka, rekstrargrunnur nýrra banka, endurskipulagning eignarhalds fyrirtækja og áherslur í rekstri fyrirtækja sem eru í umsjón banka.

Með framsögu fara:

• Þórður Sverrisson, forstjóri Nýherja
• Þorsteinn Þorsteinsson, stjórnarformaður Bankasýslu ríkisins
• Birna Einarsdóttir, forstjóri Íslandsbanka
• Finnur Sveinbjörnsson, forstjóri Arion banka
• Ásmundur Stefánsson, forstjóri Landsbankans (NBI hf.)

Auk Þórðar og Birnu taka þátt í pallborði:

• Linda Björk Gunnlaugsdóttir, forstjóri A. Karlsson
• Úlfar Steindórsson, forstjóri Toyota á Íslandi
• Páll Gunnar Pálsson, forstjóri Samkeppniseftirlitsins

Fundarstjóri verður Finnur Oddsson, framkvæmdastjóri Viðskiptaráðs. Þá mun Ólafur Stephensen, blaðamaður, stýra pallborðsumræðum.

Tímasetning: Fimmtudagur 26. nóvember, frá kl. 8:15-10:00.
Staður: Grand Hótel, Gullteigur.