Ragnar S. Halldórsson látinn
Fyrrum formaður Viðskiptaráðs Íslands, Ragnar S. Halldórsson er látinn. Ragnar var jafnframt einn af heiðursfélögum ráðsins.
Ragnar S. Halldórsson tók við formannsembættinu árið 1982. Hann fæddist 1. september árið 1929. Ragnar starfaði við ýmis verkfræðistörf og var m.a. framkvæmdastjóri verkfræðideildar hjá varnarliðinu á Keflavíkurflugvelli. Eftir að hafa starfað hjá svissneska álfyrirtækinu Alusuisse um tíma tók Ragnar við störfum sem forstjóri ÍSAL. Ragnar mótaði og lagði grunn að uppbyggingu og starfsháttum stóriðju á Íslandi enda álverið í Straumsvík hið fyrsta sinnar tegundar á Íslandi. Hann varð stjórnarformaður ÍSAL eftir að hann lét af störfum sem forstjóri og gegndi því starfi um árabil. Ragnar var einn af stofnendum Alþjóðaviðskiptaráðsins árið 1993, og sat í stjórn þess í áratug. Hann lét af formannsembætti árið 1986.
Ragnar lést á Landspítalanum í Fossvogi miðvikudaginn 7. ágúst, 89 ára að aldri.
Viðskiptaráð Íslands vottar aðstandendum samúð við fráfall Ragnars og þakkar honum af alhug ómetanlegt starf í þágu viðskiptafrelsis og framfara í atvinnulífinu.
Tengt efni
Ragnar Sigurður tekur við sem hagfræðingur Viðskiptaráðs
Góður félagi fallinn frá
Andlát: Gísli V. Einarsson, fyrrum formaður VÍ
Athafnalandið Ísland - Ragnars í Smára minnst
Nýr heiðursfélagi
