Ragnar Sigurður hefur störf hjá Viðskiptaráði
Ragnar Sigurður Kristjánsson er nýr sérfræðingur á hagfræðisviði Viðskiptaráðs
Ragnar er með BS próf í hagfræði frá Háskóla Íslands og lauk meistaraprófi í alþjóða- og stjórnmálahagfræði frá Nanyang tækniháskólanum í Singapúr árið 2022. Undanfarið hefur hann starfað sem fulltrúi í upplýsingadeild utanríkisráðuneytisins og kom þar meðal annars að undirbúningi Reykjavíkurfundar leiðtoga Evrópuráðsins. Áður var Ragnar starfsnemi á aðalræðisskrifstofu Íslands í New York auk þess að starfa fyrir Minjastofnun og Upplýsingamiðstöð Djúpavogs.
Starf Ragnars Sigurðar hjá Viðskiptaráði mun fyrst og fremst snúa að málefnastarfi og útgáfu ráðsins, svo sem hagfræðilegum greiningum, skýrslugerð og öðrum skrifum auk þátttöku í öðrum verkefnum.
Ragnar hefur störf í dag og bjóðum við hann velkominn í hópinn!
Tengt efni
Ragnar Sigurður tekur við sem hagfræðingur Viðskiptaráðs
Viðskiptaráð leitar að hagfræðingi á málefnasvið
Lykilþróun í hagkerfinu - Nýr fyrirlestur á fræðsluvef Viðskiptaráðs
Lísbet tekur við sem lögfræðingur Viðskiptaráðs
Fíllinn í fjölmiðlastofu Þórðar Snæs
