Viðskiptaráð verðlaunar útskriftarnema við HR
Viðskiptaráð Íslands hefur í gegnum tíðina verðlaunað framúrskarandi nemendur frá Háskólanum í Reykjavík. Síðastliðinn laugardag, þann 1. febrúar sl., fór fram útskrift HR þar sem Ásta S. Fjeldsted, framkvæmdastjóri Viðskiptaráðs, flutti ræðu og verðlaunaði sjö nemendur.
Sagði Ásta meðal annars í ræðu sinni: „Til að stuðla að áframhaldandi velsæld á Íslandi þarf að tryggja kraftmikið og framsækið atvinnulíf - sem grundvallast á undirstöðu þess, fólkinu, ykkur, bakgrunni ykkar, reynslu, hæfileikum og menntun. Háskólinn í Reykjavík er í lykil- og leiðtogahlutverki þegar kemur að uppbyggingu samfélagsins – og tengist æ fleirum í gegnum nýja árganga, sem og fólk í atvinnulífinu sem til skólans leitar í framhaldsnám og endurmenntun."
Eftirtaldir nemendur hlutu verðlaun:
- Björgvin Grétarsson, byggingartæknifræði
- Elín Lára Reynisdóttir, íþróttafræði
- Hannes Rannversson, rekstrarverkfræði
- Jónína Sigrún Birgisdóttir, sálfræði
- Sonja L Estrajher Eyglóardóttir, lögfræði
- Valgarður Ragnheiðar Ívarsson, tölvunarfræði
- Þorri Geir Rúnarsson, viðskiptafræði
Tengt efni
Viðskiptaráð styrkir þrjá afreksnema á erlendri grundu
Menntun er fjársjóður - hátíðarræða við brautskráningu frá HR
Viðskiptaráð styrkir fjóra afreksnema á erlendri grundu
Stöðnun á grunnskólastigi - hátíðarræða við brautskráningu frá HR
Viðskiptaráð verðlaunaði útskriftarnema HR
