Björn og Andri í stjórn og háskólaráð HR

Björn Brynjúlfur kemur nýr inn í stjórn en aðrir stjórnarmenn eru Guðbjörg Edda Eggertsdóttir, formaður stjórnar HR, Halldór Benjamín Þorbergsson, forstjóri Heima, Tanya Zharov, aðstoðarforstjóri Alvotech, og Sigurður Hannesson, framkvæmdastjóri Samtaka iðnaðarins.

Frá þessu er greint á vef Háskólans í Reykjavík.

Stjórn HR ræður rektor skólans og rektor situr stjórnarfundi. Stjórnin sinnir almennum stjórnarstörfum eins og á við um stjórnir fyrirtækja og ber ábyrgð á stefnumótun, stjórnskipulagi, fjármálum, þar með ákvörðun skólagjalda, og almennum rekstri.

Þá kom nýtt háskólaráð HR einnig saman til fundar þann 6. september. Í háskólaráði sitja tíu fulltrúar atvinnulífs og stjórnsýslu. Háskólaráð er vettvangur umræðna um stefnumótun háskólans um nám, kennslu og rannsóknir, sem og um tengsl háskólans og atvinnulífsins.

Ný inn í háskólaráð þau Anna Hrefna Ingimundardóttir, aðstoðarframkvæmdastjóri Samtaka atvinnulífsins, Andri Þór Guðmundsson, formaður Viðskiptaráðs og forstjóri Ölgerðarinnar, og Guðmundur Fertram Sigurjónsson, forstjóri Kerecis.

Háskólaráð HR:

• Andri Þór Guðmundsson– formaður Viðskiptaráðs og forstjóri Ölgerðarinnar
• Anna Hrefna Ingimundardóttir – aðstoðarframkvæmdastjóri Samtaka atvinnulífsins
• Árni Sigurjónsson – formaður Samtaka iðnaðarins
• Borghildur Erlingsdóttir – forstjóri Hugverkastofu, tilnefnd af ráðuneyti
• Brynja Baldursdóttir – forstjóri Motus
• Eyjólfur Árni Rafnsson – formaður Samtaka atvinnulífsins
• Guðbjörg Edda Eggertsdóttir – formaður stjórnar Háskólans í Reykjavík
• Guðmundur Fertram Sigurjónsson – forstjóri Kerecis
• Hjálmar Gíslason – stofnandi og forstjóri GRID
• Valgerður Hrund Skúladóttir – forstjóri Sensa