Fasteignamat og skattar - Hvað þurfa sveitarfélögin að gera?

Þann 1. júní sl. birti Þjóðskrá endurreiknað fasteignamat fyrir árið 2023 og kom í ljós að fasteignamat hækkaði um 19,9% á landinu öllu. Þessar hækkanir verða fasteignaeigendum dýrar ef sveitarfélögin lækka ekki álagningarhlutföll fasteignaskatta.

Fulltrúar fáeinna sveitarfélaga hafa gefið það út að þau muni lækka hlutföllin til þess að koma til móts við íbúa og fyrirtæki. Sum sveitarfélögin hyggjast lækka álagningarhlutfallið þannig að fasteignaskattar hækki ekki umfram verðlag.