Gleðileg jól

Viðskiptaráð Íslands óskar Íslendingum öllum gleðilegra jóla og farsældar á komandi ári.

Í stað þess að senda út prentuð jólakort gefur Viðskiptaráð samsvarandi upphæð til góðgerðarmála. Að þessu sinni var styrkurinn látinn renna til Fjölskylduhjálpar Íslands.

Fjölskylduhjálp Íslands hefur unnið óeigingjarnt og mikilvægt starf til stuðnings efnaminni fjölskyldum á Íslandi. Vikulega úthluta sjálfboðaliðar matvælum, notuðum og nýjum fatnaði, ungbarnavörum og notuðum og nýjum leikföngum til fjölda einstaklinga og fjölskyldna árið um kring. Það er von Viðskiptaráðs að starfsemi Fjölskylduhjálpar Íslands gangi sem allra best og eiga allir sem að henni standa hrós skilið.