Heimsókn til Orf líftækni
Það er kappsmál að heyra og skilja áskoranir aðildarfélaga okkar og hvernig við getum beitt okkur fyrir því að hlúa að rekstrarumhverfi þeirra.
Starfsfólk Viðskiptaráðs heimsótti á dögunum verksmiðju Orf líftækni við Grindavík. Félagið sem stofnað var árið 2001 hefur undanfarin ár einbeitt sér að sölu og uppbyggingu vörumerkisins Bioeffect á alþjóðlegum mörkuðum en hlaut í sumar styrk frá Evrópusambandinu til framleiðslu á nýrri vöru sem felur í sér þróun og framleiðslu á dýravaxtarþáttum fyrir stofnfrumuræktun á kjöti.
Liv Bergþórsdóttir, sem tók við sem forstjóri félagsins í apríl síðastliðnum og hefur því þurft að stýra félaginu í gegnum heimsfaraldurinn, tók á móti starfsfólki en með henni var Björn Lárus Örvar, yfirmaður rannsókna og nýsköpunar.
Viðskiptaráð hefur talað fyrir því að styrkja þurfi stoðir erlendra gjaldeyristekna á Íslandi og skapa hér eftirsóknarverð störf. Það er því kappsmál að heyra og skilja áskoranir aðildarfélaga og hvernig ráðið getur beitt sér í því að hlúa að rekstrarumhverfi þeirra.
Við þökkum Liv, Birni og Orf líftækni kærlega fyrir móttökurnar og það veganesti sem starfsfólk Viðskiptaráðs fékk inn í veturinn í heimsókninni.
Tengt efni
Viðskiptaráð leitar að hagfræðingi á málefnasvið
Rammáætlun taki mið af áskorunum í orkumálum.
Mikilvægt að hraða endurskoðun laga um rammaáætlun
Eftirlitsmisskilningur Þórunnar
Brýnt að auka orkuframleiðslu
