Viðskiptaráð leitar að hagfræðingi

Ert þú hagfræðingur sem hefur gaman af því að tjá þig?

Við hjá Viðskiptaráði Íslands leitum að kraftmiklum einstaklingi sem hefur brennandi áhuga á að bæta rekstrarumhverfi fyrirtækja á Íslandi og þannig auka hagsæld.

Starfið er fjölbreytt og samanstendur meðal annars af skrifum og greiningarvinnu vegna útgáfu, samskiptum við fjölmiðla og virkri þátttöku í mótun stefnu ráðsins.

Viðskiptaráð er lifandi vinnustaður sem gefur starfsfólki tækifæri til að móta eigið starfsumhverfi og verklag.

Helstu verkefni og ábyrgð

• Skrif úttekta, skýrslna, blaðagreina, greininga, umsagna um þingmál og gerð kynninga
• Ytri samskipti og tengslamyndun gagnvart fjölmiðlum og öðrum hagsmunaaðilum
• Leiðandi hlutverk í mótun og framkvæmd stefnu og málefnastarfs ráðsins
• Leiðsögn fyrir sérfræðing á hagfræðisviði

Menntunar- og hæfniskröfur

• Háskólagráða í hagfræði
• Viðeigandi starfsreynsla æskileg
• Brennandi áhugi á þjóðmálum og grunnþekking á rekstrarumhverfi atvinnulífsins
• Frumkvæði og hæfileikar til að laga sig að fjölbreyttum og krefjandi verkefnum
• Góð færni í að tjá sig í ræðu og riti á íslensku og ensku
• Hæfni til að vinna í hóp

Umsókn ásamt kynningarbréfi og ferilskrá sendist á starfsumsokn@vi.is fyrir 28. nóvember 2021.

Nánari upplýsingar veitir Svanhildur Hólm Valsdóttir, framkvæmdastjóri Viðskiptaráðs, í síma 510 7100 eða á svanhildurholm@vi.is.