Viðskiptaráð leitar að sérfræðingi í samskiptum og miðlun

Viðskiptaráð Íslands leitar að sérfræðingi í samskiptum og miðlun. Starfið krefst frumkvæðis og hæfileika til að laga sig að fjölbreyttum og krefjandi verkefnum. Við bjóðum upp á lifandi vinnustað og tækifæri til að móta eigið starfsumhverfi og verklag.

Helstu verkefni

• Yfirumsjón með allri upplýsingamiðlun ráðsins, t.d. innri og ytri samskiptum
• Umsjón með vefsíðu, samfélagsmiðlum og öðrum boðleiðum upplýsingamiðlunar
• Skipulagning viðburða á vegum ráðsins
• Umsjón með framsetningu og hönnun útgefins efnis
• Aðstoð við málefnastarf, t.d. umsagnar- og skýrsluskrif
• Önnur tilfallandi verkefni

Menntunar- og hæfniskröfur

• Menntun sem nýtist í starfi
• Framúrskarandi hæfni til að tjá sig í ræðu og riti á íslensku og ensku
• Haldbær reynsla af samskipta- og miðlunarmálum
• Reynsla af framleiðslu kvikaðs efnis, hönnun, umbroti og upplýsingatækni (InDesign, Photoshop, Adobe umhverfið, Powerpoint, Excel o.fl.)
• Þekking á fjölmiðlaumhverfi og framúrskarandi þekking á samskiptamiðlum ásamt helstu greiningartólum
• Geta til að setja sig hratt inn í ólík málefni
• Afburðahæfni í mannlegum samskiptum

Umsókn með rökstuðningi um hæfi viðkomandi ásamt ferilskrá sendist á starfsumsokn@vi.is. Umsóknarfrestur er til og með 15. júní 2020. Nánari upplýsingar veitir Ásta S. Fjeldsted, framkvæmdastjóri Viðskiptaráðs, í síma 510 7100.

Viðskiptaráð Íslands var stofnað árið 1917 sem frjáls félagasamtök fyrirtækja, félaga og einstaklinga í íslensku atvinnulífi.