Alþjóðageirinn á Íslandi

Kynning Frosta Ólafssonar, framkvæmdastjóra Viðskiptaráðs, á nýsköpunarráðstefnunni „How Innovation and Talent Attract Capital“ er nú aðgengileg á vefnum.

Á ráðstefnunni, sem fór fram í Háskólanum í Reykjavík þann 5. ágúst síðastliðinn, kynntu stjórnendur, frumkvöðlar og fjárfestar frá Bandaríkjunum frumkvöðlastarf og uppbyggingu þekkingarsamfélagsins í Kísildalnum. Meðal þátttakenda voru fulltrúar frá Yahoo, Silicon Valley Bank, Uber og The Geek Squad.

Kynning Frosta, sem er á ensku, fjallar um alþjóðageirann á Íslandi, þjóðhagslegar horfur og lykiláskoranir. Þar kemur fram að veruleg aukning útflutnings þarf að eiga sér stað ef lífskjör hérlendis eiga að batna með sjálfbærum hætti á komandi árum. Alþjóðageirinn spilar þar lykilhlutverk þar sem vöxtur slíkra fyrirtækja er ekki bundinn takmörkuðum náttúruauðlindum.

Kynninguna má nálgast hér