The Icelandic Economy 2016

Ný útgáfa skýrslunnar „The Icelandic Economy: Current State, Recent Developments and Future Outlook“ hefur nú verið gefin út. Í henni er fjallað um stöðu efnahagsmála á Íslandi í dag, nýlega atburði í stjórnmálum, viðskiptum og efnahagslífi og langtímahorfur í hagkerfinu.

Skýrsluna má nálgast á þessari slóð

Í skýrslunni er m.a. fjallað um eftirfarandi atriði:

• Alþjóðlega stöðu varðandi samkeppnishæfni og landsframleiðslu
• Stöðu innlenda hagkerfisins, m.a. varðandi vinnumarkað og skuldir hins opinbera og einkaaðila
• Þróun í peningamálum, verðbólgu og gengisbreytingar
• Utanríkisviðskipti og erlendar skuldir
• Áherslur nýrrar ríkisstjórnar í utanríkis- og skattamálum
• Fjármagnshöftin og áhrif þeirra á hagkerfið
• Stór fjárfestingarverkefni í ferðaþjónustu, kísiliðnaði og fleiri greinum
• Fjármálakerfið, aðgengi að fjármagni og þróun á eignamörkuðum
• Framtíðarhorfur m.t.t. þróun hagkerfisins undanfarin ár og helstu áskorunum

Íslenskt efnahagslíf hefur gengið í gegnum umtalsverðar breytingar á síðustu árum. Á sama tíma hefur upplýsingagjöf til erlendra aðila um stöðu efnahagsmála á Íslandi verið af skornum skammti. Frá haustinu 2008 hefur Viðskiptaráð því reglulega gefið út skýrslu á ensku um stöðu efnahagsmála hérlendis. Skýrslan er send til um 2.200 erlendra tengiliða í fyrirtækjum, alþjóðastofnunum, systursamtökum Viðskiptaráðs og stjórnkerfum annarrra ríkja víðs vegar um heim.

Skýrsluna má nálgast á þessari slóð

Glærukynning er einnig gefin út samhliða skýrslunni en í henni má finna myndir úr skýrslunni á aðgengilegu formi fyrir kynningar á íslensku efnahagslífi.

Glærukynninguna má nálgast á þessari slóð