Uppfærð skýrsla á ensku um stöðu mála

Í dag kom út uppfærð útgáfa af skýrslu Viðskiptaráðs um stöðu efnahagsmála á Íslandi, The Icelandic Economic Situation - Status report. Skýrslan, sem er á ensku, kom fyrst út í október 2008 og hefur verið uppfærð reglulega síðan. Hún er hugsuð til upplýsingamiðlunar og jafnframt til að kynna stöðu mála hér á landi fyrir erlendum samstarfs- og hagsmunaaðilum.

Í skýrslunni má finna samantekt um þróun efnahags- og stjórnmála hérlendis síðustu tvö árin. Nú hefur hún m.a. verið uppfærð með upplýsingum um nýja stýrivaxtaákvörðun Seðlabankans, gengisdóm Hæstaréttar og stöðu aðildarumsóknar Íslands að Evrópusambandinu. Skýrslan hefur að geyma fjölda tengla á ýmis gögn er varða stöðu efnahagsmála frá stjórnvöldum, Alþingi, alþjóðastofnunum og fleirum.

Ásamt skýrslunni má nálgast glærur á pdf formi sem félagar geta nýtt til að kynna efni skýrslunnar í stuttu máli.

• Hér má nálgast: The Icelandic Economic Situation - Status report