Morgunverðarfundur og útgáfa Hollráða um heilbrigða samkeppni

Starfshópur um leiðbeiningar í samkeppnisrétti hefur unnið ötullega að því að gera leiðbeiningar til fyrirtækja um samkeppnisrétt. Líta nú leiðbeiningarnar dagsins ljós undir heitinu Hollráð um heilbrigða samkeppni - Leiðbeiningar til fyrirtækja og blásið verður til morgunverðarfundar af því tilefni.

Á fundinum fá gestir m.a. eintak af leiðbeiningunum og gagnlega yfirferð á samkeppnisrétti í formi fjögurra stuttra hugvekja frá vel völdum fagaðilum í samkeppnisrétti.

Dagskrá:

Þórdís Kolbrún Reykfjörð Gylfadóttir, ferðamála-, nýsköpunar- og iðnaðarráðherra opnar fundinn

Heimir Örn Herbertsson,formaður starfshóps um leiðbeiningar í samkeppnisrétti, fjallar um leiðbeiningarnar og leiðarljós vinnuhópsins í þeirri vinnu

Hugvekjur um samkeppnismál

• Páll Gunnar Pálsson, forstjóri Samkeppniseftirlitsins
• Helga Melkorka Óttarsdóttir, meðeigandi og framkvæmdastjóri Logos
• Ari Edwald, forstjóri Mjólkursamsölunnar
• Bergþóra Halldórsdóttir, lögmaður hjá Samtökum atvinnulífsins

Netagerð

Marta G. Blöndal, fráfarandi lögfræðingur og aðstoðarframkvæmdastjóri Viðskiptaráðs stýrir fundi

• Þriðjudaginn 24. apríl
• kl. 08:30-10:00
• Vox Club, Hilton Nordica (gamla Pizza Hut)
  3.900 kr. *
  

*Morgunverður og prenteintak af leiðbeiningunum innifalið í verði

Skráning fer fram hér: